Jalpy, óńirdegi densaýlyq saqtaý qyzmetiniń sapasyn arttyrý maqsatynda qolǵa alynǵan iske «Jumyspen qamtýdyń jol kartasy» baǵdarlamasy sheńberinde 3,4 mlrd teńge bólingen bolatyn. Bul qarjyǵa oblystyń 10 aýylynda dárigerlik ambýlatorııa salynýda. Al shalǵaı aýyldardaǵy medısına mekemeleriniń ǵımaratyna kúrdeli jóndeý jasalyp, jańadan salynýy basy aýyryp, baltyry syzdaǵan jurttyń sapaly em alýyna sebepshi bolatyny anyq. Al aýdan ortalyǵyndaǵy aýrýhanalar men perzenthanalardyń zaman talabyna saı jabdyqtalyp, qoldanysqa berilýi turǵyndardyń shynaıy alǵysyna laıyq is bolyp tur.
Jaqynda Jambyl aýdanynda 100 oryndyq jańa perzenthana ashyldy. Ǵımarattyń qurylysyna bıýdjetten 4,9 mlrd teńge jumsalǵan. Jalpy aýdan ortalyǵy Uzynaǵash aýylynda jylyna 5 myńǵa jýyq náreste dúnıe esigin ashady eken. Buǵan deıin 50 oryndyq eski ǵımaratta jumys istegen dárigerler dán rıza. О́ıtkeni jańa perzenthanda ana men balaǵa qajetti nárseniń bári bar. Endi bul nysanda júkti jəne bosanǵan əıelderge, jańa týǵan səbılerge joǵary bilikti medısınalyq kómek kórsetilip, patologııalyq jaǵdaılardy dıagnostıkalaý, akýsherlik-gınekologııalyq keńester berý qyzmetteri kórsetiledi. Ǵımarattyń ishi juqpaly indet kezinde ózekti sanalatyn antıbakterıaldy fıltrlermen de jabdyqtalǵan, qajetti klımattyq baqylaý jáne jeldetkish quraldarǵa qosylǵan.
– Byltyr bizdiń aýdanda 4 600 bala ómirge keldi. Bıyl sábıler sany 5 myńǵa jetedi degen boljam bar. Jańa perzenthananyń ashylýy dárigerlerdiń jumysyn jaqsartyp, ana men bala ómiriniń qaýipsizdigin qamtamasyz etýge tolyq múmkindik beredi degen oıdamyn. Sebebi qazir perzenthanada 12 kývez apparaty, 24 fototerapııa apparaty, ókpeni jasandy jeldetetin 8 apparat bar, basqa da barlyq qajetti qural-jabdyqtar túgeldendi. Buryn munda 48 qyzmetker bolsa, qazir mamandar sany 119-ǵa jetti, – deıdi Jambyl aýdandyq aýrýhanasynyń bas dárigeri Damır Suraýjanov.
Sondaı-aq, densaýlyq kúzetindegi sapaly jumysqa qol jetkizý qurmetine Eńbekshiqazaq aýdanynyń eki birdeı aýylynyń turǵyndary ıe boldy. Osy aýdandaǵy Kóktóbe aýyly men Qoram aýylynda dárigerlik ambýltorııa ǵımaraty ashyldy.
– Kóktóbe aýyldyq okrýginde esigin ashqan dárigerlik ambýlatorııa 50 orynǵa arnalǵan. Nysan «Jumyspen qamtýdyń jol kartasy» baǵdarlamasy sheńberinde salyndy. Onyń qurylysyna 279 mln teńge bólingen. Bir qabatty ǵımaratta qajetti bólmelerdiń bári bar: tirkeý orny, prosedýralyq kabınet, ekpe bólmesi, dárigerlerdiń kabınetteri, klınıkalyq jáne bıohımııalyq zerthanalar jáne tıisti normaǵa sáıkes qarastyrylǵan. Dárigerlerdiń jumys isteýine de, qaralýshylarǵa da qolaıly jaǵdaı jasalǵan. Zamanaýı medısınalyq mekeme Kóktóbe aýylynyń 5 myńǵa jýyq turǵynyna qyzmet kórsetetin bolady, – deıdi Eńbekishqazaq aýdanynyń ákimi Qýanyshbek Qashqymbaev.
Aıtpaqshy, 2 mln adamǵa jýyq turǵyny bar óńirde alǵashqy medısına kómegin kórsetetin shaǵyn emhana men ambýlatorııalarǵa degen suranys óte joǵary kúıinde qalyp otyr. Qazir Almaty oblysynda 235 dárigerlik ambýlatorııa, 104 feldsherlik-akýsherlik pýnkti jáne 220 medısına beketi bar eken. Iаǵnı turǵyndardyń 80 paıyzǵa jýyǵy aýyldy mekendeıtin aımaq úshin bul kórsetkish áli az bolyp tur.
