Baǵdarlama aıasynda bıyldyń ózinde 280 mamanǵa áleýmettik qoldaýa kórestildi. Máselen, 191 muǵalim 52,8 mln teńge kóterme járdemaqyǵa ıe bolsa, 115 maman turǵyn úı satyp alý úshin 452,1 mln teńge bıýdjettik nesıe alǵan.
«Memlekettiń kelesi qadamy – óńirdegi 20 myńnan astam muǵalimniń múddesin qorǵaıtyn «Pedagog mártebesi týraly» Qazaqstan Respýblıkasynyń Zańyn qabyldaý. Zańda muǵalimderdiń quzyrettiligin arttyrýǵa baǵyttalǵan materıaldyq yntalandyrý normalary qarastyrylǵan. Mysaly, osy jyldyń 1 qańtarynan bastap pedagogtardyń ortasha jalaqysy 25%-ǵa artsa, aldaǵy jyldyń 1 qańtarynan bastap taǵy 25%-ǵa ósedi. Pedagogterge tálimgerlik úshin aıyna 17 697 teńge qosymsha aqy tóleý júıesi engizildi. Oblysta barlyǵy 247 tálimger bar. Sonymen qatar, magıstr dárejesin alǵan muǵalimderge de aıyna 27 780 teńge ústeme aqy tólenetin bolady. Qazir oblys mektepterinde 354 magıstr jumys istep jatyr. Jergilikti bıýdjet bul maqsatqa shamamen 2 mlrd teńge qarastyryp otyr», dedi basqarma basshysy.
Qazir Qostanaı oblysynda 5 jarym myńǵa jýyq muǵalim pedagogıkalyq sheberligi úshin qosymsha aqy alady. Mysaly «sheber» sanaty úshin laýazymdyq jalaqydan 50%, «zertteýshi» sanatyna 40%, «sarapshyǵa» 35%, «moderator» sanatyndaǵylarǵa 30% mólsherinde qosymsha aqy tólenedi.
Qostanaı oblysy
