Bul týraly qala ákimdiginiń baspasóz qyzmeti habarlady.
«Elordada qaýipti turǵyn úı keshenderin jóndeý boıynsha jumystar júrgizemiz. Bul qulap jatqan plıtalar, janǵysh tósemder, apatty jaǵdaıdaǵy jedelsatylary bar úıler. Mysaly, «Terrıtorııa komforta – 2» kóppáterli turǵyn úı kesheni bárine belgili. Turǵyndar kezdesýler barysynda úıde turýdan úreılenetinin aıtqan. Olar jeldi kúni balalaryn dalaǵa shyǵarýǵa qorqady eken. Buǵan sebep - úıdi qaptap turǵan plıtalardyń jıi qulaýy», dedi elorda ákimi Altaı Kólginov.
Bul kóppáterli turǵyn úı kesheninde aýqymdy jumystar júrgizildi: qasbeti tolyq aýystyryldy, keramogranıt plıtalar alynyp tastaldy, jylytqyshtar, qabataralyq, órt jaǵdaıyna arnalǵan esikter jáne taǵy basqalary aýystyryldy. Buryn úı paıdalanýǵa berilmegen edi, TK-nyń mekenjaıy bolmady. Turǵyndar páterlerinde tirkele almady, ıaǵnı ózderi turatyn aýdannyń áleýmettik nysandarynyń qyzmetterin paıdalana almady.
Ákimniń aıtýynsha, endi bul máseleler sheshildi. Búkil qujattamany daıyndaldy.. Endi úıdiń óz resmı mekenjaıy bar. Mamandar páter ıelerine tehnıkalyq pasport berý úshin páterler aýmaqtaryn ólsheýge kiristi.
Sonymen qatar Nur-Sultanda apatty jaǵdaıdaǵy úılerdi buzý jumystary júrgizilýde. 2019 jyly 200-ge jýyq otbasy jańa turǵyn úıge kóshirildi, bıyl 200-den astam otbasyn kóshirý josparlanýda.
