Qazir Qazaqstanda qoldanystaǵy 156 jup jolaýshylar poıyzynyń 117-si qatynaýda. Shekteýler koronavırýs ınfeksııasynyń taralýyna jol bermeýge baılanysty qabyldanǵan.
Alaıda 2020 jyldyń 26 jeltoqsanynan bastap 2021 jyldyń 5 qańtar aralyǵyndaǵy jańa jyldyq kezeńde jolaýshylardy tasymaldaý úshin 704 qosymsha vagon tirkemesi qamtamasyz etiledi.
Osylaısha, 30 myńǵa jýyq jolaýshyny qosymsha qamtý josparlanyp otyr.
Vagondar kelesi baǵyttar boıynsha poıyzdarǵa qosylady:
1) Nur-Sultan – Almaty, Mańǵystaý, Atyraý, Saryaǵash, Arqalyq, Semeı, Petropavl jáne Pavlodar;
2) Almaty – Aqtóbe, Atyraý, Mańǵystaý, Saryaǵash, О́skemen, Jezqazǵan jáne Oral;
3) Pavlodar – Presnogorkovskaıa;
4) Qyzylorda – Semeı;
5) Aqtóbe – Atyraý.
Aıta keteıik, tasymaldaýshylar saqtyq sharalaryn tolyq saqtaýy qajet.
