Bul qyzmetterdi «Eńbek resýrstaryn damytý ortalyǵy» AQ «Ulttyq aqparattyq tehnologııalar» AQ-men birlesip, Tuńǵysh Prezıdent Nursultan Nazarbaevtyń 2018 jylǵy 5 qazandaǵy Qazaqstan halqyna Joldaýyn, sondaı-aq Memleket basshysy Qasym-Jomart Toqaevtyń 2020 jylǵy 4 naýryzdaǵy «Sıfrlyq Qazaqstan» memlekettik baǵdarlamasyn iske asyrý jónindegi tapsyrmasyn oryndaý sheńberinde júrgizilip jatqan áleýmettik-eńbek salasyndaǵy memlekettik qyzmetterdi ońtaılandyrý jáne avtomattandyrý jónindegi jumys barysynda iske asyrdy.
Osylaısha, endi eGov portalynda QR Eńbek jáne halyqty áleýmettik qorǵaý mınıstrliginiń kelesi memlekettik qyzmetterin alýǵa ótinim berýge bolady:
- estý kemistigi bar múgedekter úshin ymdaý tili mamanynyń qyzmetterimen qamtamasyz etý úshin qujattardy resimdeý (jylyna 60 saǵat);
- júrip-turýy qıyn birinshi toptaǵy múgedekterdi jeke kómekshiniń qyzmetimen qamtamasyz etýge qujattardy resimdeý;
- múgedektigi bar adamdardy sanatorıı-kýrorttyq emdeýmen qamtamasyz etý úshin qujattardy resimdeý;
- múgedektigi bar adamdardy sýrdo-tıflotehnıkalyq quraldarmen jáne mindetti gıgıenalyq quraldarmen qamtamasyz etý úshin qujattardy resimdeý;
- múgedektigi bar adamdarǵa kreslo-arbalar berý úshin qujattardy resimdeý;
- múgedektigi bar adamdarǵa protezdik-ortopedııalyq kómek usyný úshin qujattardy resimdeý.
Múgedektigi bar adamdar úıden shyqpaı-aq eGov portaly arqyly joǵaryda atalǵan memlekettik qyzmetterdi alýǵa ótinim bere alady jáne odan ári áleýmettik kórsetiletin qyzmetter portalynda ózderine tıesili ońaltýdyń tehnıkalyq quraldaryn, kórsetiletin qyzmetterdi berýshini óz qajettilikterin eskere otyryp tańdaı alady, sondaı-aq taýardy jetkizý túrin (ózi alyp ketý nemese poshtamen jetkizý) kórsete alady jáne ońaltýdyń jeke baǵdarlamasy tolyq oryndalǵanǵa deıin óz ótiniminiń mártebesin qadaǵalaı alady.
Endi qyzmet alýshylarǵa jumyspen qamtý jáne áleýmettik baǵdarlamalar qyzmetine kelýdiń jáne qujattardy qaǵaz túrinde usynýdyń qajeti joq.
