Túrli táttilerge, oıynshyqtar men kitaptarǵa, sýretterge, ádemi kıimderge toltyrylǵan qorjyndar kóp balalaly, turmystyq jaǵdaıy tómen úıdiń jas bóbekterin qýantýǵa attandy. Tańsáriden syılyqtar artqan polısııa mashınalarynyń kerýeni qalanyń túkpir-túkpirin aralap, osyndaı úılerge toqtap jatty. Bıyl úıleri kúıip, bes balasymen shaǵyn mekenge jaıǵasqan otbasynyń balalaryna arnap polıseıler tipti shyrsha ornatyp, oǵan oıynshyqtar da ilip berdi.
Oblystyq PD bastyǵy, polkovnık Marat Tólebaevtyń aıtýyna qaraǵanda bul bastama halyqpen etene jumys isteıtin tómengi quramdaǵy qyzmetkerlerden shyqqan. Al jaǵdaıy kelispegen otbasylardyń tizimin ıývenaldyq polısııa jasaǵan. «Árıne, biz balalardyń bárine jaqsylyq qyla almaımyz. Biraq jaǵdaılary tómen otbasynyń balalaryn osylaısha bir qýantqymyz keldi», deıdi polkovnık M.Tólebaev.
«Jaqsylyq jasasań – balaǵa jasa» degen osy shyǵar.
PETROPAVL
