Jekemenshik balabaqshalar sýbsıdııalandy

«Shetsiz qala» qaǵıdaty aıasynda qalada bilim berýdiń sapasyn arttyrý kózdelip otyr. Bul rette qoǵamdyq uıymdarmen óza­ra tyǵyz is-qımyl ornatyldy. Balabaqshalar men mek­tep­ter­degi oryn tapshylyǵy men kezek kútý máselelerin sheshý sharalary kúsheıtildi. «Biz­diń mindetimiz – pandemııaǵa qara­mastan, óz paryzymyzdy jaýap­ker­shilikpen jáne adal oryndaý. Balalardy tárbıeleý kóbinese bala­baqshalarda mektepke de­ıin­gi bilim berý prosesiniń qa­laı uıymdastyrylýyna baılanysty», degen qala ákimi B.Saǵyn­taev pandemııa kezin­de ata-analardyń bilim berý pro­se­sine yntasynyń arta túskenin atap ótti.

Qalalyq bilim basqarmasynyń basshysy Lázzat Jylqybaeva búginde mektepke deıingi tárbıe­men 1-6 jasqa deıingi 65 080 bala, 3-6 jasqa deıingi 57 020 bala qamtylǵanyn baıandady. Ákimdik 5 jyl ishinde balabaqshalarda 20 myńnan astam jańa oryn ashýdy josparlap otyr. Qosymsha bilim berý úshin Alataý men Naýryzbaı aýdandarynda 2 ınnovasııalyq shyǵarmashylyq ortalyǵyn salý josparlanǵan, keler jyldan bastap qazirgi Oqýshylar saraıyn modernızasııalaý bastalady. Pandemııaǵa qaramastan, kontıngent 12 myń balaǵa artty, onyń ishinde 1-synypqa 27 myńnan astam bala qabyldandy. Mektepterde oryn tapshylyǵyn kezeń-kezeńmen sheshý úshin 2025 jylǵa deıin bilim berý ny­san­dar­ynyń qurylysyn údeme­li salý baǵdarlamasy ázir­lendi.

Orta bilim berý salasynda apatty mektepterdi joıý jáne mektepterdiń shamadan tys júk­­telýi baqylaýǵa alynǵan. «Ju­mys­pen qamtýdyń jol kartasy» aıasynda 2021-2022 jyldary apatty jáne shamadan tys júktelgen dep tanylǵan mek­tep­ter­diń ornyna jańa mektepter salynady. 2022 jylǵa deıin 12 600 oryndyq 8 mektep jáne 6 550 orynǵa arnalyp mektepterge japsarlas­ty­ra 13 qosymsha qurylys salý jos­parlanýda. Sondaı-aq, apatty mekteptiń ornyna 2021 jyly 1500 oryndyq jańa mektep salynady. Bilim berýdiń alǵashqy jańa nysandaryn 2021-2022 oqý jylynyń basynda paıdalanýǵa berý jáne sol arqyly mektepterdegi oryn tapshylyǵyn 73%-ǵa tómendetý josparlanýda. Sonymen birge qashyq­tan bilim berý sapasyn arttyrý úshin otandyq «Online Mektep» jáne «Sfera» otandyq bilim berý platforma­la­ry belsendi qoldanylady. Jer­gi­lik­ti bıýdjet esebinen 42 myń kompıýterlik tehnıka jáne Úki­met­tiń rezervtik qory esebinen 38,5 myń kompıýterlik tehnıka satyp alyndy. Internet ótkizgishtigi tómen 169 aýmaqta jeli jyldamdyǵyn arttyrý úshin qosymsha antennalar ornatyldy. 30 myńnan astam sımkartalar muqtaj otbasylarǵa berildi. Eń bas­tysy, qala ákimi­niń bastamasymen jeke men­shik balabaqshalardaǵy ata-ana tólemin jergilikti bıýdjet ese­bi­nen sýbsıdııalaýǵa erekshe nazar aýdarylyp otyr.

«Almaty qalasy ákimdiginiń memle­kettik tapsyryspen jeke menshik mektepke deıingi uıym­darda tamaqtanýdy jergilikti bıýdjetten sýbsıdııalaý bo­ıyn­sha qabyldaǵan is-áreketteri qolaı­l­y jaǵdaı jasaıdy jáne qala­myz­dyń jeke mektepke deıin­gi bilim berý kásipkerligin damy­týdy yntalandyrady. Mem­­lekettik tapsyrysty ornalas­tyrmaıtyn jeke menshik bala­baq­shalar adal básekelestik ar­qyly baǵa deńgeıin retteıdi. Mundaı is-sharalar bizdiń alǵa jyljıtynymyzǵa, jumy­sy­­myzdyń nátıjesin kóre­ti­­ni­miz­ge senim beredi», dedi Je­­k­e­­­­menshik bilim berý uıym­dary respýblıkalyq qaýym­das­­tyǵynyń tóraıymy Roza Sadyqova.

О́z kezeginde elimizdegi Bala qu­qyq­­tary jónindegi ýákil Arýjan Saın bilim berý pro­se­­siniń qaýipsizdigi, ınklıý­zıv­ti jáne qosymsha bilim berý, ta­maq­­taný sapasy, sondaı-aq bilim berý salasyndaǵy uıym­dar­dy bas­­qarý sapasyn arttyrý ádisteri má­se­lelerin qozǵady.

Alqa otyrysynda balabaq­sh­alar men mektepterdegi bala­lardyń tamaqtaný sapasyn ba­qylaý, jan basyna shaqqan­da­ǵy qarjylandyrý máseleleri bo­ıynsha birqatar naqty tapsyrma berdi. Almaty «sary» aımaqqa kir­gendikten, oqýshylardyń den­saý­lyǵyn qorǵaý úshin kezek­shi toptarda sanıtarlyq-epı­de­mııa­lyq qaýipsizdikti qam­ta­masyz etý boıynsha sharalardy kúsheıtý tapsyryldy.

«Eń mańyzdysy – balalardyń den­saýlyǵy. Sondyqtan epıdemıologtar belgilegen qa­ýipsizdik talaptaryn qatań saq­taý qajet», dedi B.Saǵyntaev.

Aldaǵy bes jyl ishinde qala balabaqshalarynda 20 myńnan astam jańa oryn ashylmaq. Lázzat Jylqybaevanyń aıtýyn­sha, qazir mektepke deıingi tár­bıe­men 1 jas­tan 6 jasqa de­ıin­gi 65 080 bala, 3 jastan 6 jasqa deıingi 57 020 bala qam­tylǵan. Balabaqshalardaǵy ke­zek­­ti azaıtý úshin keleli shara­lar qabyldanyp otyr. Bıyl 670 oryndyq 4 memlekettik bala­baq­sha paıdalanýǵa berilip, 120 oryndyq taǵy 1 memlekettik balabaqshanyń qurylysy aıaq­ta­lyp keledi. «Jumyspen qam­tý­dyń jol kartasy» aıasynda 520 oryndyq taǵy 3 memlekettik balabaqshanyń qurylysy júrip jatyr. Oǵan qosa bıyl 1 378 oryndyq 48 jekemenshik mektepke deıingi uıym ashyldy. Osy 5 jylda 360-qa jýyq jeke­menshik balabaqshada 14 900 orynǵa arnalǵan memlekettik bilim berý tapsyrysyn kezeń-kezeńmen ornalastyrý jos­par­­lanǵan. Sonymen qatar oryn tap­shylyǵyn tómen­de­tý maq­satynda jeke bilim berý uıym­da­ry­na jalǵa berilgen mem­lekettik balabaqshalardy qaı­tarý boıynsha sharalar qa­ras­­­tyrylǵan. Osy jumys aıa­syn­da Áýezov aýdanyndaǵy jal­ǵa berilgen «Skazka» bala­baqshasynyń ǵı­maraty qaı­ta­ryl­dy. Qazir kúr­de­li jóndeý júr­gizilip jatyr, 2021 jyly onda 320 oryndyq 14 top ashylatyn bolady.

ALMATY