Taldyqorǵan áýe bazasyna – 50 jyl

Mereıtoılyq kúnge oraı barlyq karantındik normalar saqtala otyryp, salta­natty is-shara ótkizildi. Qor­­ǵanys mınıstri, general-leıtenant Nurlan Ermekbaev bó­limniń jeke quramyna qut­­tyqtaý joldap, áýe baza­sy­nyń eldiń qorǵanys qabi­letin nyǵaıtýǵa qosqan zor úle­sin atap ótti.

Atalǵan bazanyń jeke qu­ramyn onlaın formatta Qa­zaqstan Qarýly Kúshteri Áýe qorǵanysy kúshteriniń Bas qolbasshysy, avıasııa general-leıtenanty Nurlan Or­manbetov, Áskerı-áýe kúsh­teriniń qolbasshysy, polkovnık Nurbolat Topaev, Áýe qorǵanysy kúshteri Áskerı ınstıtýtynyń bastyǵy, avıa­sııa general-maıory Dáýren Qosanov quttyqtady.

Búgingi tańda áýe bazasy áýe kúshterindegi úz­dik ás­ke­rı bólimderdiń biri bolyp sanalady. Ol ja­ýap­­kershilik aımaǵynda Qazaq­stan Respýblıkasynyń áýe keńistigin kúzetý jáne qorǵaý jónindegi jaýyngerlik min­detterdi oryndaıdy. Alǵash­qylardyń biri bolyp Sý-30SM kópfýnksıonaldy joı­ǵyshtarmen jasaqtaldy. Ushý jáne ınjenerlik-teh­nı­kalyq quram jyl saıy­n ótkiziletin barlyq iri aýqym­dy halyqaralyq oqý-jat­tyǵýlarǵa, sondaı-aq Ar­mııa halyqaralyq oıyn­da­ry­na qatysady. Budan bas­qa, Taldyqorǵan áýe baza­synda bas­qa avıasııalyq bólim­der­den ushý ekıpajdary men ınjenerlik-tehnıkalyq quram qaıta oqytýdan ótedi. Ol úshin barlyq qajetti jaǵdaılar jasalǵan, jerdegi áskerı ush­qyshtardy sapaly oqytýǵa múm­kindik beretin keshendi trenajer jumys isteıdi.

Bul jerde ár jyldary Halyq Qaharmany, ushqysh-ǵaryshker, general-maıor Aı­dyn Aıymbetov, Qarýly Kúshterdiń ardageri, avıasııa general-leıtenanty Alek­sandr Sorokın, Qazaq­stan Qarýly Kúshteri Áýe qor­ǵanysy kúsh­teriniń Bas qol­basshysy, avıa­sııa general-leıtenanty Nur­lan Or­manbetov, Áýe qorǵa­ny­sy kúshteri Áskerı ınstı­týtynyń bastyǵy, avıasııa ge­neral-maıory Dáýren Qosa­nov qyzmet atqarǵanyn aıta ketken jón.