Pavlodar oblysynyń polıseıleri etıl spırtiniń kólemdik úlesi 30%-dan asatyn alkogol ónimderin saǵat 21:00-den kelesi kúni saǵat 12:00-ge deıin satpaý týraly shekteýlerdi buzǵany úshin dúken ıesine qatysty ákimshilik óndiris qozǵady.
«Reıdtik is-sharalar barysynda tártip saqshylary Ýspen aýdany aýyldarynyń birinde ornalasqan dúkende óz úıinen «Posolskaıa» araǵyn satý faktisin anyqtady. 75 jastaǵy zeınetker 61 jastaǵy aýyl turǵynyna alkogol satqan. Tekserý barysynda satýshyda alkogoldik ishimdikterdi satýǵa lısenzııa joq ekeni anyqtaldy. Dúken ıesine qatysty QR ÁQBtK-niń 463-baby (Tıisti tirkeýsiz, ruqsatsyz nemese habarlama jibermeı kásipkerlik nemese ózge de qyzmetpen aınalysý, sondaı-aq áreketterdi (operasııalardy) júzege asyrý) boıynsha ákimshilik is qozǵaldy, materıal sotqa jiberý úshin daıyndalýda», dedi Ýspen aýdany polısııa bólimi jergilikti polısııa qyzmet bólimshesiniń bastyǵy Qýandyq Shahmanov.
Jyl basynan beri Pavlodar oblysynda kásipkerlik nemese ózge qyzmetpen aınalysqany, sondaı-aq tirkeýsiz, ruqsatsyz áreketterdi júzege asyrǵany úshin bir quqyq buzýshy, 2020 jyly 135 quqyq buzýshy ákimshilik jaýapkershilikke tartyldy.
