«Belarýstegi qazirgi jaǵdaı, sondaı-aq úkimettiń saıasaty, demonstranttarmen qarym-qatynas jáne Belarýstegi adam quqyqtarynyń buzylýy Liqui Moly-diń senimi men qundylyqtaryna qaıshy keledi. Osy sebepti eger IIHF komıteti Belarýste jarystar ótkizý týraly sheshim qabyldasa, kompanııa shaıbaly hokkeıden álem chempıonatyna demeýshilik kórsetýden bas tartady», dedi nemis kompanııasynyń ókilderi.
«Biz 28 jyl boıy IIHF álem chempıonattarynyń seriktesi bolǵanymyzdy maqtan tutamyz. Biraq biz adam quqyqtaryn qurmetteımiz jáne qoldaımyz. Sondyqtan Skoda jarys Belarýste ótetini rastalsa, 2021 jylǵy shaıbaly hokkeıden álem chempıonatyna demeýshilikten bas tartady», delingen avtoóndirýshiniń habarlamasynda.
Nivea kompanııasynyń ókilderi de osyndaı málimdeme jasady.
2017 jyly qabyldanǵan halyqaralyq hokkeı federasııasynyń (IIHF) sheshimi boıynsha 2021 jylǵy álem chempıonaty Mınsk pen Rıgada 21 mamyrdan 6 maýsymǵa deıin ótýi kerek edi.
Alaıda Belarýsteri saıası jaǵdaıǵa jáne Belarýs Densaýlyq saqtaý mınıstrliginiń COVID-19 týraly jalǵan statıstıka bergenine kúdiktenýine baılanysty Eýropanyń birqatar eli Belarýste jarys ótkizýge qarsy shyqty.
