«Ekibastuzkommýnservıs» JShS dırektory Janna Borambaıqyzynyń aıtýynsha, eýrokonteınerler aıyna eki ret polıgonda jýylyp, óńdeýden ótkizilip otyrady. Atalǵan jańashyldyqtyń nátıjesinde kóp qabatty úılerdiń dálizderindegi qoqys qubyrlary jabyldy. Osylaısha, qolqany qabatyn kúlimsi ıis te ketti.
Qala tazalyǵyna jaýap beretin «Ekibastuzkommýnservıs» JShS eńbekkerleri qaıyrymdylyq sharalarynan da shet qalǵan emes. 2017 jyldan bastap kásiporyn basshylyǵy I top-taǵy múgedekterge, qalanyń Qurmetti azamattaryna jeńildik jasap, olardy qoqys tóleminen bosatqan edi. Bıyl Jańa jyl merekesi qarsańynda barsha turǵyndar úshin kommýnaldyq tólemniń aqysyn 10 paıyzǵa azaıtty.
Budan bólek, jaqynda Ekibastuz qalasyndaǵy «Úmit» balalar úıiniń 46 balasyna jáne Shiderti kentindegi az qamtylǵan otbasylardyń 50 balasyna jańajyldyq táttilerdi úlestirdi. Sondaı-aq kásiporyn ár jumyskerdiń jalaqysyna qosymsha 50 myń teńge syıaqy bergen.
Darııa ERǴAZINA,
jýrnalıst
Pavlodar oblysy,
Ekibastuz qalasy
