Atalǵan ınspeksııa Jańa-Ahmer polıgonyndaǵy motoatqyshtar bólimsheleriniń jaýyngerilk atysyn baqylady. Taktıkalyq oqý-jattyǵý qazirgi kezdegi qarýly qaqtyǵystardyń tájirıbesin negizge alyp josparlandy. Komıssııaǵa ushqyshsyz ushý qurylǵylarymen kúres tásilderi kórsetildi. Áskerı qyzmetshiler 50-den 100 metr bıiktiktegi drondar kórsetilgen nysanalardy dál atyp túsirdi.
Atys barysynda atys mindetterin oryndaý kezindegi bólimniń ózara qarym-qatynasyn úılestirý men ár túrli urys jaǵdaıyndaǵy is-qımyl tekserildi, sondaı-aq komandırlerdiń baǵynystylaryn basqarýy men júktelgen mindetterdi jedel sheshýge qabilettiligi baǵalandy.
Áskerı bólimniń oqý korpýsynda ozyq áskerler praktıkalar kesheni óristetildi. Jaýyngerlik jáne dene daıyndyǵy boıynsha nusqaýshy aǵa serjant Temirlan Meıramov 14 bólimnen turatyn bólim komandırleriniń jaýyngerlik kártishkeleri men atý kártishkeleriniń jańa nusqasyn usyndy.
Jalpy tekserý komıssııasy sarbazdardy oqytýǵa arnalǵan 20-dan astam ázirlemelerdi kórsetti. Olardyń ishinde mını-tır bar, onda oq-dárilerdi jumsamaı dál nysanaǵa alý jáne atý belgileri, «Makarov» avtomaty men tapanshasyn nysanaǵa alýǵa arnalǵan lazerlik qurylǵy oqytylady. Barlyq laıfhaktardy áskerı qyzmetkerler men bólimniń azamattyq qyzmetkerleri oılap tapqan. Osylaısha, áskerı qyzmetshilerdiń is júzinde jaýyngerlik daıarlyq kezinde qoldanatyn oqý materıaldary, tájirıbeli nusqaýshylardyń qazaqstandyq áskerdiń jańa tolymyn oqytýǵa daıyndyǵyn kórsete bildi.
Tekserý qorytyndysy boıynsha general-maıor Ádilbek Aldabergenov bastaǵan qorǵanys vedomstvosynyń komıssııa músheleri О́skemen garnızony áskerı qyzmetshileriniń jaýyngerlik daıyndyǵyna oń baǵa berdi. Odan bólek tekserý barysynda sanıtarlyq-epıdemıologııalyq talaptardy qatań saqtaý jaǵdaıynda, jaýyngerlik ázirlik sharalarynyń sapasyn saqtaý qajettiligine, onyń ishinde rotalyq-taktıkalyq oqý-jattyǵýlar deńgeıindegi erekshelikterge basty nazar aýdarý tapsyryldy.
