Habarlamada prezıdent saılaýy nátıjeleriniń resmı jarııalanýyna jáne Sadyr Japarovtyń premer-mınıstr ókilettigin toqtatý týraly ótinish berýine baılanysty Talant Mamytov ony Úkimet basshysy qyzmetinen bosatqany atap ótildi. Jarlyq boıynsha Úkimettiń qazirgi quramy otstavkaǵa ketti. Al onyń músheleri jańa quram qurylǵanǵa deıin óz mindetterin atqaratyn boldy. Qyrǵyzstan premer-mınıstriniń mindetin Artem Novıkov atqarady.
Sadyr Japarovtyń prezıdent saılaýynyń resmı qorytyndylary shyǵarylǵannan keıin premer-mınıstr ókilettigin toqtatatyny osyǵan deıin aıtylǵan edi. Konstıtýsııaǵa sáıkes Úkimet tolyq quramda otstavkaǵa ketýi tıis.
Qyrǵyzstan prezıdentiniń merziminen buryn saılaýy 10 qańtarda ótken edi. Ortalyq saılaý komıssııasynyń resmı qorytyndy málimetine sáıkes Japarovqa 1,1 mıllıonnan astam adam nemese saılaý ýchaskelerine kelgen saılaýshylardyń 79,2 paıyzy daýys bergen.
Eldegi bıliktiń aýysýy byltyr 6 qazanda halyq narazylyǵynan keıin bolǵan-dy. Nátıjesinde, Sadyr Japarov premer-mınıstr bolyp saılanǵan. Keıinirek prezıdenttik saılaýǵa qatysýǵa nıet bildirgen Úkimet basshysynyń ókilettigi birinshi vıse-premer Artem Novıkovqa ýaqytsha júktelgen-di.
Al eldiń altynshy prezıdentin ulyqtaý rásimi 28 qańtarǵa belgilendi.
