Kezdesýde Nursultan Nazarbaev «Nur Otan» partııasynyń «О́zgerister joly: Ár adamǵa laıyqty ómir!» atty saılaýaldy baǵdarlamasynyń negizgi baǵyttaryn ýaqytyly júzege asyrý qajettigin aıtty. Áńgime barysynda mınıstrliktiń ekonomıkany ári qaraı ártaraptandyrýdaǵy mańyzdy róli atap ótildi.
Sondaı-aq Qazaqstannyń Tuńǵysh Prezıdentine 2020 jyldyń qorytyndysy boıynsha ónerkásip, kólik jáne qurylys salalaryndaǵy negizgi damý kórsetkishteri týraly baıandaldy.
– О́ńdeý ónerkásibiniń birqatar sektorynda ósim bar. Atap aıtqanda qara metallýrgııa 4,1 paıyzǵa, tústi metallýrgııa 2,8 paıyzǵa, mashına jasaý 16,3 paıyzǵa, jeńil ónerkásip 15 paıyzǵa, farmasevtıka ónerkásibi 47 paıyzǵa jáne daıyn metall buıymdaryn óndirý 19,7 paıyzǵa artqan. Statıstıkalyq derekterge sáıkes, qurylys salasynda naqty kólem ındeksi 111,2 paıyzdy qurady. 2020 jyldyń qorytyndysy boıynsha 16 óńirde oń qarqyn baıqalýda, – dedi B.Atamqulov.
