Kelisim aıasynda taraptar ártúrli tabıǵat qorǵaý aksııalaryna jurtshylyqty tartyp, halyqtyń ekologııalyq mádenıetin arttyrý boıynsha jumystar atqarady. Ekologııa, ósimdikter men janýarlar dúnıesin qorǵaý salasyndaǵy quqyq buzýshylyqtardyń aldyn alýdyń birlesken sharalaryn júrgizedi.
Memorandýmǵa qol qoıý aıasynda uıym tóraıymy Saıda Taýkeleva el arasyndaǵy ekologııaǵa qatysty rezonansty problemalarmen mınıstrlikti habardar etip, birge sheshimin tabýǵa atsalysýǵa daıyn ekenin jetkizdi. Almaty qalasy aýasynyń lastanýy, jylý elektr stansııalaryn gazǵa kóshirýdiń tıimdiligin jurtshylyqqa túsindirý, Aqtóbe oblysy Bestamaq aýylyndaǵy shoshqa fermasyna halyqtyń narazylyǵy sııaqty ótkir turǵan máselelerdi atap ótti.
Mınıstr Maǵzum Myrzaǵalıev uıym ókilderiniń azamattyq pozısııasy úshin alǵys bildirip, halyq pen Úkimet arasynda kópir bolatyn birlestikpen tyǵyz jumys isteýge daıyn ekenin aıtty.
