Astanada Izraıl memleketiniń Syrtqy ister mınıstrligi men Qazaqstandaǵy elshiliginiń jáne Globe gatway kompanııasynyń uıymdastyrýymen eki kúnge ulasqan 2-Qazaqstan-Izraıl bıznes forýmy aıaqtaldy.
Astanada Izraıl memleketiniń Syrtqy ister mınıstrligi men Qazaqstandaǵy elshiliginiń jáne Globe gatway kompanııasynyń uıymdastyrýymen eki kúnge ulasqan 2-Qazaqstan-Izraıl bıznes forýmy aıaqtaldy.
Aıtýly sharaǵa Qazaqstan men Izraıldiń birqatar laýazymdy tulǵalary men iri kompanııalarynyń basshylary, sondaı-aq, ózge de uıymdardyń ókilderi qatysty. Olardyń arasynda Qorshaǵan ortany qorǵaý jáne sý resýrstary vıse-mınıstri Erlan Nysanbaev, Tótenshe jaǵdaılar vıse-mınıstri Valerıı Petrov jáne «Qazaqtelekom» AQ-tyń basqarma tóraǵasy Qýanyshbek Esekeev boldy. Izraıl memleketiniń Qazaqstandaǵy elshisi Elııaý Tasman sharaǵa moderator bolýmen qatar, alǵashqy baıandamany da ózi jasady.
Ol áýeli eki eldiń dostyq qarym-qatynasy týraly aıta kelip, ekinshi dúnıejúzilik soǵys kezinde Qazaqstanǵa taǵdyr tálkegimen jer aýdarylyp kelgen evreı halqyna qazaqtar tek esigin ǵana emes, júregin de ashyp, shyn yqylaspen qabyldaǵanyn áńgimeledi. «Izraıl memleketin qurý barysynda 20 jyl kóleminde biz jete almaǵan jetistikke Qazaqstan erkin serpilip jetti. Ony kózimiz kórip otyr. Osynda elshi bolyp kelgen bir jyldan astam ýaqytta ǵana mundaǵy áleýmettik-ekonomıkalyq damý úrdisi men tehnıkalyq-tehnologııalyq jańarý, jańǵyrý úderisine kýá bolyp júrmin. Izraıl iskerlerine aıtarym, Qazaqstanǵa kelińizder. О́zderińizben deńgeıles, naǵyz isker jandardy osy elden tabasyzdar. О́ıtkeni, barlyq damyǵan elder Qazaqstanda óz áriptesin izdep júr. Munda tek Izraıl kásipkerleri ǵana kózge kórinbeıdi», degen elshi myrza eki eldiń ulttyq kompanııalary men iskerler ortasyn tyǵyz áriptestikke shaqyrdy.
Degenmen, baıandamashy eki eldiń birlesip atqaryp jatqan jumystaryn da joqqa shyǵarmady. Máselen, sońǵy jyldary Qazaqstanǵa Izraıl úlgisinde jylyjaılar salynyp, onda kókónisterdi sol eldiń tehnologııasy boıynsha tamshylatyp sýarý sharasy jaqsy nátıjeler berip otyrǵanyna toqtaldy. Elshi jylyjaı qurylǵan jerlerde Izraıl agronomdary tájirıbe almasý maqsatymen 2-3 jyl boıy jumys istep ketetinin de aıtty. Endigide eki el IT-ındýstrııasy boıynsha birlesip jumys istese, kóp nátıjege qol jetkizýge bolatynyn jetkizdi.
Kelesi sóz kezegi berilgen Tótenshe jaǵdaılar vıse-mınıstri V.Petrov sharany uıymdastyrýshylarǵa alǵysyn aıtty. Sóıtip, eki eldiń kásipkerlerine tyǵyz baılanys jasap, pikir almasý úshin osyndaı qolaıly iskerlik alańy ashylǵanyna rıza kóńilin bildirdi. «Biz bul forýmnyń mańyzyn joǵary baǵalaımyz. О́ıtkeni, telekommýnıkasııa salasynda tájirıbe almasýda, jańa ıdeıalardy talqylap, tyń baǵyttardy anyqtaýda kóp kómegi bolady degen oıdamyz», dedi V.Petrov.
Forýmda eki eldiń kóptegen mamandary sóz sóılep, óz tájirıbelerin ortaǵa saldy. Shara aıasynda Qazaqstannyń telekommýnıkasııa sektoryna sholý jasalyp, ızraıldik kompanııalardyń tanystyrylymy uıymdastyryldy jáne ekijaqty kezdesýler ótkizildi.
Nurbaı ELMURATOV,
«Egemen Qazaqstan».
