– Osydan otyz alty jyldaı buryn ǵoı. Ol da bir, shirkin, qyzyq ýaqyt edi-aý! – dep eske alady Qazaqstan jáne Halyqaralyq jýrnalıster odaǵynyń múshesi, kezinde respýblıkalyq barlyq basylymdarda (ishinde qazirgi «Egemen Qazaqstan» da bar) jıi kórinip júrgen, birneshe ret jeke kórmesi ótken, QazTAG pen odaqtyq APN aqparat agenttigimen de tyǵyz baılanysta bolǵan, sezimińdi selt etkizer talaı tamasha fotosýrettiń avtory, búginde jasy seksennen asqan Qalıǵumar aǵa Qabdeshev. – Festıval aldynda elimizdegi «Lenınskaıa smena» gazetiniń redaksııasy fotosýretterge baıqaý jarııalaǵan edi, sonyń jeńimpazy retinde maǵan da Máskeýge (ol jaqta túsirgen kóp fotosýretim bar) barýǵa joldama berildi ǵoı. Endi myna sýrettiń jaı-japsaryna keleıik. Bul qala ortalyǵynyń kórikti jeriniń birinde jınala qalǵan qazaqstandyq jastardyń bir toby. Sol jaqtan túregep turǵandardyń úshinshisi qazirgi kezde janyńdy áldılep, júregińdi shym etkizetin keremet án-áýenderdiń avtory, kompozıtor Tólegen Muhamedjanov, oń jaqtan alǵanda birinshi turǵan men, menen keıingi áıgili akter, rejısserimiz, Memlekettik syılyqtyń laýreaty Doshan Joljaqsynov. Al otyrǵandardyń ishinde oń jaqtan birinshi áriptesim, belgili fototilshi, marqum Raqymbaı Hanalıev.
Basqalaryn, shynymdy aıtsam, umytyppyn, qazir esimde joq...
Berikbaı QADYQOV,
jýrnalıst
Almaty oblysy,
Qarasaı aýdany
