Kókshetaýdyń áleýmettik nysandary jańa tennıs ortalyǵymen tolyqty. Barlyq qolaıly jaǵdaılary qarastyrylǵan zamanaýı sport kesheniniń ashylý saltanatynda Aqmola oblysynyń ákimi Qosman Aıtmuhametov pen Qazaqstan Tennıs federasııasynyń prezıdenti Bolat О́temuratov sóz sóılep, sportshylarǵa tabystar tiledi.
Kókshetaýdyń áleýmettik nysandary jańa tennıs ortalyǵymen tolyqty. Barlyq qolaıly jaǵdaılary qarastyrylǵan zamanaýı sport kesheniniń ashylý saltanatynda Aqmola oblysynyń ákimi Qosman Aıtmuhametov pen Qazaqstan Tennıs federasııasynyń prezıdenti Bolat О́temuratov sóz sóılep, sportshylarǵa tabystar tiledi.
Qalaǵa kórik qosqan ásem ǵımarattyń boı kóterýine bıznes qaýymdastyǵynyń belsendi túrde qatysqanyn aıta ketken lázim. Oblys ákimdigimen jasalǵan ekijaqty kelisimge oraı «Altyntaý-Kókshetaý» JShS bul jobaǵa 765,2 mıllıon teńge qarjy shyǵardy. Bıylǵa jaz aıynda osy júıemen 200 oryndyq «Altyn bala» balalar baqshasyn paıdalanýǵa bergen seriktestik basshysy Marlen Myrzabekov aldaǵy kezde de qalanyń áleýmettik damýyna úles qosa beretindikterin málimdedi.
Jańa tennıs ortalyǵynda halyqaralyq jarystar ótkizýge tolyq múmkindik bar. Munda úsh jabyq jáne osynsha ashyq tennıs korttary sportshylar ıgiligine berilgen. Respýblıkalyq federasııa vıse-prezıdenti Ádil Bórlibaevtyń aıtýynsha, tennıs kesheninde balalar men jasóspirimder sport mektebin ashý josparlanǵan. Bul sporttyń buqaralylyǵyn arttyryp, jańa jetistikterge jol ashpaq.
Baqbergen AMALBEK,
«Egemen Qazaqstan».
Aqmola oblysy.
