Qazaqstan Respýblıkasynyń Prezıdenti – Elbasy N.Á.Nazarbaevtyń «Qazaqstan-2050» Strategııasy – qalyptasqan memlekettiń jańa saıası baǵyty» atty Qazaqstan halqyna Joldaýynda: «Eń aldymen memlekettik apparat reformalanatyn bolady. Men memlekettik qyzmettiń jańa júıesi týraly Zańǵa qol qoıdym. Ol sybaılas jemqorlyqqa qarsy sharalardy kúsheıtýdi, memlekettik qyzmetshilerdi irikteýde ashyqtyqty arttyrýdy, merıtokratııa qaǵıdalaryn engizýdi, ıaǵnı jaqsy kadrlardy ilgeriletýdi qamtamasyz etedi», degen bolatyn.
Qazaqstan Respýblıkasynyń Prezıdenti – Elbasy N.Á.Nazarbaevtyń «Qazaqstan-2050» Strategııasy – qalyptasqan memlekettiń jańa saıası baǵyty» atty Qazaqstan halqyna Joldaýynda: «Eń aldymen memlekettik apparat reformalanatyn bolady. Men memlekettik qyzmettiń jańa júıesi týraly Zańǵa qol qoıdym. Ol sybaılas jemqorlyqqa qarsy sharalardy kúsheıtýdi, memlekettik qyzmetshilerdi irikteýde ashyqtyqty arttyrýdy, merıtokratııa qaǵıdalaryn engizýdi, ıaǵnı jaqsy kadrlardy ilgeriletýdi qamtamasyz etedi», degen bolatyn.
Memlekettik qyzmetke qoıylǵan osyndaı talaptarmen memlekettik qyzmetke kadr irikteýdiń ashyqtyǵy qaǵıdattaryn jáne kadrlardyń kásibıligi men merıtokratııany qorǵaýǵa negizdelgen «Memlekettik qyzmet týraly» Zańyna ústimizdegi jyldyń 26 naýryzynan bastap ózgerister men tolyqtyrýlar engizildi.
Zańda ashyqtyq, obektıvtilikti qamtamasyz etý sharalary qarastyrylǵan. Birinshiden, testileý konkýrstan ajyratylǵan. Azamattar Qazaqstan Respýblıkasy Memlekettik qyzmet isteri agenttiginiń Ońtústik Qazaqstan oblysy boıynsha departamentine kelip, testini tapsyrýǵa ótinimderin qaldyra alady. Departament ótinimderdiń belgili bir kólemi jınalýyna qaraı keste qurastyryp, azamat testileýdi tapsyryp, bir jyl merzimine jaramdy sertıfıkat alady. Memlekettik organdar konkýrs jarııalaǵan ýaqytta olarǵa testini qaıta tapsyrýdyń qajeti bolmaıdy, olar bul sertıfıkatpen konkýrsqa qatysyp, tek áńgimelesýden ǵana ótedi.
Osylaısha, konkýrsty ótkizý ýaqyty úsh esege – 45 kúnnen 15 – 20 kúnge deıin qysqardy.
Sondaı-aq, Zańda zańsyz kadrlyq sheshimi úshin konkýrstyq komıssııa músheleriniń jáne memlekettik organ basshysynyń jaýapkershiligi qarastyrylǵan.
Qazaqstan Respýblıkasy Memlekettik qyzmet isteri tóraǵasynyń buıryǵymen bekitilgen Bos memlekettik ákimshilik laýazymǵa ornalasýǵa qonkýrs ótkizý jáne konkýrs komıssııasyn qalyptastyrý qaǵıdasynda «Baqylaýshy» túsinigi engizildi. Iаǵnı, konkýrs komıssııasy jumysynyń ashyqtylyǵy men obektıvtiligin qamtamasyz etý úshin onyń otyrysyna memlekettik organ basshysynyń kelisimimen baıqaýshylardy qatystyrýǵa jol beriledi.
Konkýrs komıssııasynyń otyrysyna baıqaýshylar retinde Qazaqstan Respýblıkasy Parlamentiniń jáne barlyq deńgeıdegi máslıhat depýtattarynyń, Qazaqstan Respýblıkasy zańnamasynda belgilengen tártipte akkredıttelgen buqaralyq aqparat quraldarynyń, basqa memlekettik organdardyń, qoǵamdyq birlestikterdiń (úkimettik emes uıymdardyń), kommersııalyq uıymdardyń jáne saıası partııalardyń ókilderi, ýákiletti organnyń qyzmetkerleri qatysa alady. Baıqaýshylar áńgimelesý ótkizý prosesinde kandıdattarǵa suraqtar qoımaıdy. Baıqaýshylarǵa konkýrs komıssııasynyń jumysyna kedergi keltiretin is-áreketter jasaýǵa, kandıdattardyń jeke basy derekterine qatysty málimetterdi jarııalaýǵa, kandıdattar qatysatyn konkýrs rásimderinde olardyń tehnıkalyq jazba quraldaryn qoldanýǵa jol berilmeıdi.
Baıqaýshy retinde konkýrs komıssııasynyń otyrysyna qatysý úshin tulǵalar áńgimelesý bastalýyna 1 jumys kúni qalǵanǵa deıin keshiktirmeı personaldy basqarý qyzmetine (kadr qyzmetine) tirkeledi. Tirkelý úshin tulǵalar personaldy basqarý qyzmetine (kadr qyzmetine) jeke basyn kýálandyratyn qujattyń kóshirmesin, qandaı uıymdarǵa, nemese partııaǵa tıesililigin rastaıtyn qujattardyń túpnusqasyn nemese kóshirmelerin usynady. Konkýrs komıssııasynyń hatshysy baıqaýshylardy áńgimelesý bastalardan buryn tıisti jadynamamen tanystyrady.
Baıqaýshylar konkýrs komıssııasy otyrystarynyń hattamalarymen tanysýǵa jáne tıisti memlekettik organnyń basshylyǵyna jáne ýákiletti organǵa konkýrs komıssııasynyń jumysy týraly ózderiniń pikirlerin jazbasha túrde bere alady.
Iаǵnı, buqaralyq aqparat quraldarynyń nemese qoǵam ókilderi konkýrstyq komıssııanyń jumysyn jáne odan keıin áńgimelesýdiń ótkizilý barysyn baqylaı alady. Sondaı-aq, konkýrstyq komıssııanyń jumysyna baǵa bere alady. Bul – konkýrstyq komıssııanyń jumysyn tártipke keltiretin bolady jáne bul ádiletti konkýrstyq irikteýdiń ashyqtyǵyn qamtamasyz etýde qosymsha qadam bolyp tabylady. Konkýrstaǵy jalǵyz ǵana shekteý – baqylaýshylarǵa úmitkerler týraly málimetterdiń berilmeıtindigi. Sebebi, bul – derbes aqparat. Baıqaýshylar konkýrstyq komıssııanyń jumysyna ǵana baǵa bere alady.
Sonymen qatar, memlekettik organ basshysynyń kelisimi boıynsha konkýrs komıssııasynyń otyrysyna sarapshylardyń qatystyrylýyna jol beriledi. Sarapshy retinde konkýrs jarııalaǵan memlekettik organnyń qyzmetkeri bolyp tabylmaıtyn, bos laýazymnyń fýnksıonaldyq baǵyttaryna sáıkes oblystarda jumys tájirıbesi bar tulǵalar, sondaı-aq, personaldy irikteý jáne joǵarylatý boıynsha mamandar, basqa memlekettik organdardyń memlekettik qyzmetshileri, Qazaqstan Respýblıkasynyń Parlament jáne máslıhat depýtattary qatysa alady. Sarapshylar áńgimelesýge qatysady, kandıdattarǵa suraq qoıady, konkýrs komıssııasynyń múshelerine kandıdattar týraly óz pikirlerin bildiredi. Konkýrs komıssııasynyń qorytyndy otyrysyna bul tulǵalar qatyspaıdy.
Búgingi kúnde oblysymyzda 1000-nan astam bos laýazym oryndary bar. Al, qazirgi jaǵdaıda, ótkizilgen konkýrstarǵa baqylaýshylar, sarapshylardyń qatyspaýy, sondaı-aq, bir bos laýazymǵa bir nemese eki ǵana úmitkerdiń qatysýy konkýrstyń ashyq ta jarııa ótkenine kúmán týǵyzýymen qatar, turǵyndardyń memlekettik organnyń konkýrs ótkizýine senimsizdigin arttyrady.
Sondyqtan, buqaralyq aqparat quraldarynyń, basqa memlekettik organdardyń, qoǵamdyq birlestikterdiń (úkimettik emes uıymdardyń) jáne saıası partııalardyń ókilderi memlekettik organdarda ótkiziletin konkýrstarǵa qatysyp, belsendilik tanytýy qajet bolsa, memlekettik organ basshylary osy bos laýazymdarǵa konkýrstar ótkizý barysynda Zań men oǵan táýeldi quqyqtyq aktilerdiń talaptaryn qatań basshylyqqa alýy tıis.
Qýandyq QULAJANOV,
Memlekettik qyzmet isteri agenttiginiń Ońtústik Qazaqstan
oblysy boıynsha departamenti basshysynyń orynbasary.
