Jyl aıaǵy jaqyn. Osy jyly ne bitirdik, aldaǵy jylǵa qandaı josparlar bar? El ishiniń ahýaly neshik, halyqtyń kóńil-kúıi qalaı? Jetispeıtin ne, nazardan tys qalǵan tus bar ma? Eki jyldyń arasynda osyny ekshep alýdyń mańyzdylyǵy bolar, Mańǵystaýǵa birinen soń biri qos mınıstr keldi.
Jyl aıaǵy jaqyn. Osy jyly ne bitirdik, aldaǵy jylǵa qandaı josparlar bar? El ishiniń ahýaly neshik, halyqtyń kóńil-kúıi qalaı? Jetispeıtin ne, nazardan tys qalǵan tus bar ma? Eki jyldyń arasynda osyny ekshep alýdyń mańyzdylyǵy bolar, Mańǵystaýǵa birinen soń biri qos mınıstr keldi.
Jańa mınıstrlik qyzmetke turǵasyn Mańǵystaý óńirine alǵashqy saparyn jasaǵan О́ńirlik damý mınıstri B.Jámishevtiń sapary eki kúnge sozyldy. Aldymen qurylysy toqtap qalǵan «Aqqý» shaǵyn aýdanynyń jobasymen tanysqan ol qurylys jáne jobalaý jumystarynan qatelikter ketkendigin aıtyp, memlekettik baǵdarlama negizinde salynyp jatqandyqtan, nysannyń qurylysy aıaqtalatyndyǵyn jetkizdi. Odan ári qazirgi tańda eskirgen jabdyqtarymen táýligine 5 myń tekshe metr aýyzsý ǵana tushytýǵa qaýqary jetip turǵan «Kaspıı» sý tushytý zaýytyn aralady. Budan on jylǵa jýyq ýaqyt buryn iske qosylǵan zaýyt kúrdeli jóndeýden ótip, jabdyqtary jańartylsa, táýligine 30-40 myń tekshe metr sý tushyta alady. Zaýyt basshylyǵy mınıstrdiń nazaryna osyny saldy. Jolaı Munaıly aýdanynyń Batyr aýylyn elektrmen jabdyqtaý jáne gazdandyrýdyń jelilerin salý máselelerimen tanysqan B.Jámishev Jańaózenge baryp, qaladaǵy aýyzsý tazartatyn «О́zenInvest» stansasynda jáne qalany jylýmen qamtamasyz etetin «О́zenJylý» ortalyq qazandyǵy ǵımaratynda boldy. Alǵashqy nysandaǵy qos qondyrǵynyń biri isten shyqqandyqtan, ózgesin ornatý úshin 2 mlrd. teńgeden astam, al jylýdy qamdaıtyn mekemede qolǵa alynǵan jańa jobanyń úsh kezeńi tolyq aıaqtalyp, 4-shi kezeńdi júzege asyrý úshin 1 mlrd. teńge ústinde qarjy qajettigi aıtyldy. Jańaózendegi apatty jaǵdaıda turǵan 53 úı bar ekendigin estigen mınıstr eskini jamap-jasqaǵannan góri, ornyna jańa úıler salǵan tıimdi degen pikirin bildirdi. Munaıly qalada byltyr ashylǵan bıznes-ınkýbatorda bolǵan B.Jámishev issaparyn oblys aktıvteri aldynda qorytyndylap, qarajatty únemdi ári tıimdi paıdalaný qajettigin dáleldeı aıtty.
Mańǵystaý oblysy jumyssyzdyq máselesi jóninen respýblıkada aldyńǵy oryndarda tur. О́z ishinde eki jylda jumyssyzdyq kórsetkishin 5,8 paıyzdan 5,5 paıyzǵa túsire alǵanmen, bul deńgeı Mańǵystaýdyń atalmysh máseledegi túıtkilin sheship bermegeni anyq. Ásirese, jumyssyzdar arasynda jastar men áıelderdiń sany kóbirek eken. Sondaı-aq, óńirde sońǵy úsh jylda 9 myńǵa tarta adam memlekettik qoldaýǵa ıe bolǵan, naqtyraq aıtsaq, olardyń jartysynan jýyǵy jumyspen qamtylyp, qalǵan bóligi kásipkerlik oqýdan ótken. Bul derekter Eńbek jáne halyqty áleýmettik qorǵaý mınıstri T.Dúısenovanyń Mańǵystaýǵa issapary barysynda aıtyldy.
«Bıznestiń jol kartasy-2020» baǵdarlamasy aıasynda óz kásibin ashqan kásipkerlermen, aýdan, qala basshylarymen, sondaı-aq, Sh.Esenov atyndaǵy KMTjIÝ stýdentterimen kezdesken T.Dúısenova Mańǵystaýda sońǵy úsh jyl kóleminde shaǵyn nesıelerdi 303 adam alǵandyǵyn, onyń basqa oblystarmen salystyrǵanda tómen kórsetkish ekendigin aıtyp ótti. Mınıstrge mańǵystaýlyqtar tarapynan qoıylǵan suraq «Bıznestiń jol kartasy-2020» baǵdarlamasy jaıynda boldy. «Oblysta jumyssyzdyq máselesiniń ózektiligi halyqtyń baǵdarlamany durys túsinbeýi saldarynan» degen mınıstr osy máseleni sheshý úshin keler jyldan bastap qosymsha túsindirý jumystaryn júrgizý qajettigin aıtty, sondaı-aq jumyssyzdardy oqytý kýrstarynan ótkizý máselesin qozǵady. Aqtaýdaǵy oralmandardy beıimdeý jáne kiriktirý ortalyǵynda ózge elden qonys aýdarǵan aǵaıyndardyń ana tildi úırený barysymen tanysqan T.Dúısenova ózge de áleýmettik jáne óndiristik nysandardy aralady.
Iá, T.Dúısenova Mańǵystaýdaǵy negizgi dertti dóp basty – jumyssyzdyq! Em-sharasyn alý úshin usynys-oıyn da jetkizdi, tek shıpasynyń sheti qashan kórineri ǵana belgisiz...
Gúlaıym ShYNTEMIRQYZY,
«Egemen Qazaqstan».
Mańǵystaý oblysy.
