Ońtústik Qazaqstan oblysynda munaı urlady dep aıyptalǵan 15 adam sottaldy. Uıymdasqan top jarty jylda 400 tonna shıkizatty qoldy qylǵan. Bul týraly «Astana» telearnasy habarlady.
Qylmystyq top músheleri «Pavlodar-Shymkent» munaı qybyry arqyly ótetin «qara altynǵa» qol salǵan eken. Jalpy, osy is boıynsha aıyptalǵandar – 16 adam. Sonyń ishindegi 5-i jergilikti jerdegi asfalt-beton zaýytynyń eńbekkerleri. Atalǵan qubyrdy baqylaıtyn «Semser-sekıýrıtı» seriktestigi basshylary da jazaǵa tartyldy. Sot úkimimen qylmystyq top jetekshisi 8 jylǵa bas bostandyǵynan aıryldy. Taǵy 1 aıypker 5 jylǵa sottalsa, 7 adam 5 jyl 3 aıdy arqalady, 6 adam 2 jylǵa shartty jazaǵa kesildi. Al qylmysqa qatysy bar degen 1 azamat tergeý isine kómekteskeni, shyǵyndy ótegeni úshin sot zalynan bosatyldy.
«Uıymdasqan qylmystyq topqa qatysy bar dep aıyp taǵylǵan 11 adam. Odan bólek anyqtalmaǵan birneshe tulǵalar bar. Qazir olarǵa izdeý jarııalandy»,-deıdi Ońtústik Qazaqstan oblysy qylmystyq ister jónindegi mamandandyrylǵan aýdanaralyq sotynyń sýdıasy Ábınur Qarabaev.
Jergilikti óńirde oryn alǵan osy munaı urlyǵynan «Qaztransoıl» AQ-ǵa 17 mln. teńge zalal kelgen. Qylmystyq toptyń bul áreketin qarjy polısııasynyń ókilderi áshkerelepti.
Baqytbek Keneshuly.
Derekkóz: «Astana» telearnasy
Foto: mk-turkey.ru
