17 jeltoqsan kúni Reseı men Ýkraına basshylary Vladımır Pýtın men Vıktor Iаnýkovıch Ýkraınadaǵy ekonomıkalyq jaǵdaıdy turaqtandyrý maqsatynda kezdesý ótkizgen bolatyn. Bul týraly ITAR-TASS habarlady.
Kezdesý nátıjesi boıynsha memleket basshylary birqatar mańyzdy sharalar qabyldaıtynyn málim etti. Máselen, osy ýaqytqa deıin Reseıden Ýkraınaǵa tasymaldanatyn gazdyń quny ár myń tekshe metrine 400 dollardan bolsa, 1 qańtardan bastap bul baǵany 268,5 dollarǵa deıin tómendetýge sheshim qabyldandy. Sondaı-aq RF Ulttyq ál-aýqat qorynan 15 mlrd dollardy Ýkraınanyń qundy qaǵazdaryna quıý kózdelip otyr. Kezdesý barysynda Reseı men Ýkraına áriptestigin nyǵaıtýdy qarastyratyn 14 qujatqa qol qoıyldy.
Ýkraına oppozısııasy men Táýelsizdik maıdanyndaǵy ereýilshiler Reseı prezıdentiniń nelikten mundaı qadamǵa barǵanyn túsine almaı otyr. «Iаnýkovıch Reseıden 15 mlrd. dollar men gazdyń ár myń tekshe metrine 130 dollardan jeńildik aldy. Jalpy eseptegende barlyǵy 20 mlrd. dollardy quraıdy. Biz Iаnýkovıchtiń Pýtınge ne bergenin bilgimiz keledi», – dedi «Batkıvshıny» partııasynyń jetekshisi Arsenıı Iаsenıýk. Sondaı-aq ol Iаnýkovıchtiń qol jetkizgen kelisimderi arqasynda halyqtyń tutynýyna beriletin gaz ben turmystyq tólem aqysyn 30 paıyzǵa deıin tómendetýge múmkindik bar ekenin alǵa tartty.
Aıdar О́risbaev.
Derekkóz: Utro.ru
Foto: Utro.ru
