Májiliste palata spıkeri Nurlan Nyǵmatýlınniń tóraǵalyǵymen ótken jalpy otyrysta depýtat Omarhan О́ksikbaev Premer-Mınıstr Serik Ahmetovke depýtattyq saýal joldady. Onda osydan 41 jyl buryn jasalǵan erlikke para-par is-áreket týraly áńgime qozǵalady.
Májiliste palata spıkeri Nurlan Nyǵmatýlınniń tóraǵalyǵymen ótken jalpy otyrysta depýtat Omarhan О́ksikbaev Premer-Mınıstr Serik Ahmetovke depýtattyq saýal joldady. Onda osydan 41 jyl buryn jasalǵan erlikke para-par is-áreket týraly áńgime qozǵalady.
– Bul saýalǵa qozǵaý bolǵan Almaty oblysynyń Balqash aýdanyndaǵy depýtattyq kezdesýde sol aýdan turǵyndary tarapynan jasalǵan elenbeı qalǵan erlikke nazar aýdarý týraly ótinish, – deıdi depýtat. – Osy erekshe erlikti aıǵaqtaıtyn oqıǵa týra osydan 41 jyl buryn, 1972 jyldyń 18 jeltoqsany kúni bolǵan.
Ol kezde Almaty oblysynyń Balqash aýdanyndaǵy Aqjar aýylynyń tusynda Ile ózeniniń jaǵalaýyndaǵy eki eldi meken arasyndaǵy barys-kelis tek qaıyqpen ǵana júzege asatyn. Sol kúngi alǵashqy qaıyqqa Úshjarma aýylyndaǵy mektep-ınternatta oqıtyn oqýshy balalar otyrǵyzylyp, ol jaǵadan uzaǵanda shaıqalyp baryp tóńkerilip, qaıyqtaǵynyń barlyǵy sýǵa bata bastaǵan. Ony eki jaǵada da kórip turǵan jurt tek shýlaǵannan basqa naqty áreketke bara almaǵan. Aralarynda sýǵa ketip bara jatqan balalardyń jaqyn aǵaıyn-týystary da bolǵan.
Sol kezde jaǵada turǵan Beısetaı Dáýrenbekov ústindegi qalyń kıimderin áp-sátte sypyryp tastap, sýǵa bir batyp, bir shyǵyp aǵyp bara jatqan balalarǵa júzip jetip, qaıyqtan aýdarylyp túsken 15 birinshi men segizinshi synyp arasyndaǵy balalardyń birin tóńkerilgen qaıyqty aýdaryp soǵan salyp, birin jaǵaǵa ıterip shyǵaryp jalǵyz ózi erekshe qaırattylyq tanytqan. Sóıtip, 12 balany sýdan aman alyp shyqqan. Shamasynyń jetkeni sol edi. Al úsh bala kóptiń kóz aldynda sýǵa batyp ketken.
Mundaıdy qazaq atalarymyz kózsiz erlik deıdi. Ol ómirine sonshalyqty qaýip tóngenine qaramastan, erliktiń osyndaı eren úlgisin kórsetti. Onyń ańyzǵa bergisiz osy áreketi kóp uzamaı Búkilodaqtyq «Pravda» jáne basqa gazetter arqyly búkil Keńes Odaǵyna tarady. Bul eren erlikke birden-bir kýá sol aman qalǵan, sońdarynan qazir 30-ǵa jýyq urpaq ergen tórt ulttyń 12 azamaty. Olar búgin aman-esen ómir keship, urpaqtaryn ósirip jatyr jáne ár jyldyń 18 jeltoqsanynda ekinshi ákelerine sol urpaqtarymen kelip sálem berip turatyn kórinedi.
Qaı kezde de erlik eskerilýimen qundy. Bul ony jasaǵan kisi úshin emes, ózgeler úshin kerek. Keıingi jas urpaqty erlik rýhynda tárbıeleý úshin qajet. Bul erligi arqyly Beısetaı Dáýrenbekov qazaq halqynyń boıyndaǵy qaırattylyqtyń zor ekendigin búkil álemge dáleldedi dese de bolady.
«Erlik eshqashan eskirmeıdi», deıdi kemeńger halqymyz. Sol sebepti kezinde ádil baǵasyn ala almaǵan Beısetaı aǵamyzdyń erligi kesh te bolsa eskerilse degen tilek bar. Mundaı erlikti áıgili Gınnestiń rekordtar kitaby da tirkemegen. Demek, Beısetaı Dáýrenbekovtiń erligin dáripteý kerek-aq!
Ol úshin, eń áýeli Bilim jáne ǵylym mınıstrligi osy kózsiz erlik týraly mektep oqýlyqtaryna áńgimeler engizse. Ekinshiden, Mádenıet jáne aqparat mınıstrligi tarapynan Beısetaı Dáýrenbekovtiń erligin arqaý etken kórkem, ne derekti fılm túsirilip, tele-radıo habarlar jasalsa jón bolar edi. Úshinshiden, Tótenshe jaǵdaılar mınıstrligi osy erlik áreketti qutqarýshylarǵa úıretetin úlgi retinde kórsetse jáne eshten kesh jaqsy degendeı, Almaty oblysy ákimimen birge 12 balany naǵyz ólimnen arashalap qalǵanyn jáne sondaǵy aıryqsha erligin eskerip, Beısetaı Dáýrenbekovke Halyq Qaharmany ataǵyn berý jóninde usynys engizse.
Solaı etsek, munymyz jas ulandar úshin tárbıelik, taǵylymdyq máni zor is bolar edi.
