Jaqynda Almaty oblysy, Uıǵyr aýdanynyń Úlken dıqan aýylynda turatyn tanysym ári qurdasym habarlasty. Az-kem hal-jaǵdaı surasqan soń:
– Bizdiń bir ótinishimiz bar edi, – dedi ol. – Sony «Egemen Qazaqstan» gazeti arqyly Parlament depýtattaryna qulaqqaǵys retinde jetkizýge kómektesseń...
– Ol qandaı ótinish?
Jaqynda Almaty oblysy, Uıǵyr aýdanynyń Úlken dıqan aýylynda turatyn tanysym ári qurdasym habarlasty. Az-kem hal-jaǵdaı surasqan soń:
– Bizdiń bir ótinishimiz bar edi, – dedi ol. – Sony «Egemen Qazaqstan» gazeti arqyly Parlament depýtattaryna qulaqqaǵys retinde jetkizýge kómektesseń...
– Ol qandaı ótinish?
– Depýtattar shalǵaıdaǵy aýyldarǵa nege kelmeıdi? – dedi qurdasym birden. – Olar ondaǵy turǵyndarmen kezdesip, alystaǵy aýyl-selolardyń jaǵdaıymen tanyssa, el-jurt bir serpilip qalar edi.
– Qazir Parlament depýtattary elimizdiń aımaqtaryn aralap júr ǵoı. Baryp ta qalar, – dedim úmittendirgendeı syńaı tanytyp (bul ýaqytta, ıaǵnı 28 qarasha – 7 qańtar aralyǵynda depýtattar elimizdiń aýyl, qalalarynda saılaýshylarmen kezdesýler ótkizip júrgen bolatyn – Á.Q.).
– Áı, qaıdam, – dedi ol senimsizdikpen. – Bul ómirden depýtat kórmeı-aq ótip ketemiz be dep qorqamyn...
Aýyldastyń ótinish retinde aıtqandaryn oı eleginen ótkizip, zerdelep kórsek, bul jyly jaýyp qoıa salatyn másele emes ekendigine kóz jetkizgendeı boldyq. О́ıtkeni, Altaıdan Atyraýǵa deıingi aralyqty alyp jatqan keń baıtaq jerimizde oblystar men aýdandar ortalyqtarynan shalǵaıda ornalasqan Úlken dıqan sııaqty eldi mekender de barshylyq. Sol eldi mekenderde sheshimin kútken problemalar da joq emes. Mine, solardy halyq qalaýlylary – depýtattar kelip kórse, turǵyndarmen kezdesip, máselelerdiń oń sheshimin tabýyna yqpal etse, qandaı ǵanıbet!
Parlament depýtattary el aımaqtaryna jıi shyǵyp, saılaýshylarmen kezdesý ótkizip turady. Bul jaǵynan depýtattarymyz ese jiberip jatqan joq. Biraq, bir baıqaǵanymyz – halyq qalaýlylary el aımaqtaryn aralaǵan kezderinde, kóbine oblystar ortalyqtary sanalatyn qalalar men solarǵa jaqyn ornalasqan aýdandarǵa ǵana baryp qaıtady eken. Al alystaǵy aýyl-selolarǵa atizin óte sırek salatyn kórinedi.
Mysal keltireıik. Almaty oblysyna halyqpen, saılaýshylarmen kezdesýge kelgen depýtattar negizinen Almaty qalasynyń mańyndaǵy Qaskeleń, Jambyl, Talǵar, Eńbekshiqazaq, Ile, sondaı-aq, Taldyqorǵan qalasy men oǵan jaqyn ornalasqan aýdandardan aınalshyqtap shyqpaıdy. Depýtattar oblys ortalyǵynan 350-450 shaqyrymdaı qashyqta jatqan Raıymbek jáne Uıǵyr aýdandarynyń eldi mekenderindegi saılaýshylardy, kópshilik turǵyndardy umyt qaldyrǵan dese de bolady.
Memlekettik shekaramyzdyń shebinde ornalasqan osy eki aýdanda qordalanǵan problemalar óte kóp. Saılaýshylar depýtattarǵa solardy aıtqysy, jetkizgisi keledi. Olar da taza sý iship, balalaryn jaıly mektep pen balabaqshalarda oqytqysy, tárbıelegisi keledi. Olar da jaqsy jabdyqtalǵan medısınalyq mekemelerde emdelip, oı-shuqyrsyz tegis jolmen júrgisi keledi.
Alys aýyldaǵy qurdasymnyń «tiri» depýtatty kórgisi keletin ótinishin Parlament depýtattaryna osylaısha jetkizýdi jón kórdik. Bul ótinishtiń úlkendıqandyqtarǵa ǵana emes, elimizdiń shalǵaıda jatqan ózge de eldi mekender turǵyndaryna qatysy bar ekendigine shúbá keltirmeımiz.
Álısultan QULANBAI,
«Egemen Qazaqstan».
