Karpov – qostanaılyq shahmatshylardyń qonaǵy

Jaqynda shahmattan álemniń 12 dúrkin chempıony, halyqara­lyq dárejedegi gros­smeıster Anatolıı Karpov qostanaı­lyq shahmatshy­lar­dyń qonaǵy boldy. Áıgili shahmatshy munda buryn da kelgen bolatyn, 2004 jyly qala ortaly­ǵyndaǵy shahmat klýbynda bolyp, sportshylarmen, qala jurtshylyǵymen kezdesken edi.

Jaqynda shahmattan álemniń 12 dúrkin chempıony, halyqara­lyq dárejedegi gros­smeıster Anatolıı Karpov qostanaı­lyq shahmatshy­lar­dyń qonaǵy boldy. Áıgili shahmatshy munda buryn da kelgen bolatyn, 2004 jyly qala ortaly­ǵyndaǵy shahmat klýbynda bolyp, sportshylarmen, qala jurtshylyǵymen kezdesken edi.

Anatolıı Evgenevıch bul joly da burynǵy ózi kór­­gen qalalyq shahmat klýbyna keldi, sportshylarmen, qosta­naı­lyq shahmatshylarmen júz­desti, oblys ákimi Nura­ly Sádýa­qa­sov­pen, qala ákimi Ǵa­ýez Nur­­mu­hambetovpen kez­des­ti. Qos­ta­naı qalasynyń ákimi ataq­­ty shahmatshyǵa klýb qa­byr­ǵasyna qaıtadan qoltań­ba­syn qaldyrýyn ótindi. Osydan keıin Nuraly Sádýaqasov Kar­povpen blıs oınady. Árıne, oıyn grossmeısterdiń jeńisimen aıaq­taldy. Anatolıı Karpov oblys jáne qala ákimderine óziniń «Kar­pov shahmattary» dep atala­tyn fırmalyq shahmatyn syılady.

Munan keıin qostanaılyq shahmatshylar Karpovty oıynǵa shaqyrdy. Grossmeıster bir mezgilde 15 taqtada oınady. Ataqty shahmatshymen sharshy taqtada kezdesken qarsy­lastarynyń on ekisi 10-15 jas­taǵy balalar, úsheýi eresekter – Uly Otan soǵysynyń ardageri Ivan Kalınovskıı, «Sadovod» sharýa qojalyǵynyń jetekshisi Vıktor Sımanenko jáne Qos­tanaı qalasy ákiminiń orynbasary Valerıı Poleshko boldy. Qostanaılyqtardyń grossmeıs­termen taqta tartysy eki jarym saǵatqa ulasty. Bir jarym saǵattan keıin Karpov oıyndy shahmattan on bes jasqa deıingi qyz balalar arasynda álem chempıony, mektep oqýshylary arasynda elimizdiń birneshe márte chempıony Dıana Asaýbaevamen teń aıaqtady.

– 23-shi júriste Anatolıı Evgenevıch maǵan teń oıyndy usyndy, eger kelispegenimde jeńiler edim. Onymen qarsylasý qıyn, –deıdi Dıana. Jas ta bolsa elimizdiń namysyn qorǵap júrgen Dıana osy kezdesýden keıin Birikken Arab Ámirlikterine shahmattan kezekti álem chempıo­natyna qatysýǵa ushyp ketti. Grossmeısterdiń taǵy bir oıyny osy kezdesýdegi eń qart shahmatshy Ivan Kalınovskıımen teń aıaqtaldy. Qalǵan 13 partııa­da Karpov jeńiske jetti. Oıyn qorytyndysy 14:1 esebimen ataqty shahmatshynyń paıdasyna sheshildi.

О́ziniń jankúıerleri men shahmat áýesqoılaryn, sportshylardy jaqsy áserge bólegen kezdesýden soń, jarty saǵat boıy qostanaılyqtarǵa qoltańba berdi.

Názıra JÁRIMBETOVA,

«Egemen Qazaqstan».

QOSTANAI.