Qaraǵandy oblysynyń Temirtaý qalasynda polıseıler eshbir sebepsiz jergilikti telearnada qyzmet etetin jýrnalıst jas kelinshekti soqqyǵa jyqqan.
Qaraǵandy oblysynyń Temirtaý qalasynda polıseıler eshbir sebepsiz jergilikti telearnada qyzmet etetin jýrnalıst jas kelinshekti soqqyǵa jyqqan.
Zardap shegýshi Janbota Saǵıdoldanyń aıtýynsha, ol úı janyndaǵy dúkennen sút almaqshy bolyp shyǵyp bara jatqanynda, mas polısııa qyzmetkerleri qarsy kezdesip, ózin tepkiniń astyna alǵan. «Olar meni kúrtemnen tartqylap, kireberiske súırep kirgizgen kezde esimdi jınap, bir ret kúıeýimdi shaqyrýǵa múmkindik aldym. Sol sátte olar pyshaqtaryn taqap, taǵy bir ret aıqaılaıtyn bolsam, meni óltirip ketetinderin aıtty», – dedi ol.
Álgindegi aıqaıdy estigennen keıin úıden jýrnalıstiń kúıeýi atyp shyǵady. Ony kórip, polıseıler páterge basyp kirmekshi bolǵanda, jigit esikti jaýyp úlgerip, ishki ister basqarmasyna qońyraý shala bastaıdy.
Al oqıǵa bolǵan jerge kelgen polısııa jasaǵy búlikshil áriptesterine túk te istemegen. «Olardyń basshylary qazirge deıin maǵan qaıta-qaıta habarlasyp, keshirim berýdi ótinip júr. Bizge munyń keregi joq. Eger páterde men bolmaı qalsam, olar áıelim men úsh aılyq balamdy óltirip kete me, kim bilsin! Men sondyqtan olardyń zań júzinde jaza alýlaryn qalaımyn», – deıdi zardap shekken jýrnalıstiń jubaıy Qaıratbek Zýhaljaev.
О́z kezeginde oblystyq ishki ister departamentindegiler atalǵan fakt boıynsha qylmystyq is qozǵalǵanyn málimdep otyr. «Qaraǵandy oblystyq ishki ister departamentinde polısııa qyzmetkerleri tarapynan qyzmettik laýazymdaryn asyra paıdalaný deregi tirkeldi. Ol óz tizbegimen Qylmystyq prosessýaldy kodekstiń 192-babyna sáıkes, ekonomıkalyq qylmysqa jáne sybaılas jemqorlyqqa qarsy kúres departamentine jóneltildi», – dedi oblystyq ishki ister departamenti baspasóz qyzmetiniń basshysy Jańataı Sembekov.
Murat AITQOJA.
