* * *
Dıkkens gıpnozǵa qyzyǵatyn, ıaǵnı sol kezdegideı aıtsaq, mesmerızmdi unatatyn.
* * *
Onyń súıikti isiniń biri – Parıjdegi máıithanany aralaý boldy.
* * *
Charlz Dıkkens árdaıym basyn soltústikke qaratyp uıyqtapty. Sondaı-aq shyǵarma jazǵanda da soltústikke qarap otyrǵan.
Oskar Ýaıld
«Men mánsiz birdeńeler aıtqandy jaqsy kóremin – óıtkeni sony ǵana jaqsy meńgergenmin».
* * *
Oskar Ýaıld Dıkkenstiń shyǵarmalaryn mensinbepti hám kez kelgen sebeppen ony mazaq etýge daıyn turypty. Jalpy, Charlz Dıkkenstiń zamanaýı synshylary onyń eshqashan brıtandyq úzdik jazýshylar tizimine kirmeıtinine anyq senipti desedi.
* * *
Ol 1878 jyly Oksfordty qyzyl dıplommen bitirgen.
* * *
Ýaıld óte erekshe jáne ekstravagant adam bolypty. Eki jyl túrmede otyrǵan. Oskardy sodomııa úshin aıyptaǵan.
* * *
О́miriniń sońynda Ýaıld bir sebeptermen atyn Sebastıan Melmot dep ózgertedi.
Ernest Hemıngýeı
«Shynynda da batyl adamdarǵa dýelde tartysýdyń qajeti joq, biraq kóptegen qorqaqtar muny únemi óz erlikterine sendirý úshin jasaıdy».
* * *
Hemıngýeıdi kóbinese tek maskúnem jáne óz-ózine qol salǵan adam retinde tanımyz. Alaıda, bul jazýshynyń bar aqıqaty emes. Ol sondaı-aq peırafobııamen (kópshilik aldynda sóıleý qorqynyshy) aýyrdy. Hám jazýshy eshqashan óziniń shynaıy oqyrmandary men jankúıerleriniń maqtaýyna senbepti. Tipti óz dostaryna da senbegen.
* * *
Ony keıde joly bolǵysh adam ba dep oılaısyń: nege deseńiz, Hemıngýeı bes soǵystan, tórt jol apatynan jáne eki áýe apatynan aman qalǵan.
* * *
Hemıngýeı óziniń sońynan FBR baqylap júrgenin bilipti. Biraq aınalasyndaǵylar buǵan ılanbapty. Keıin ashyq qujattardan munyń paranoııa emes ekeni, avtor shynymen de qadaǵalaýda bolǵany anyqtalady.
Lıýıs Kerroll
«Bizdiń álemdegi barlyq adamdardyń esi aýysqan».
* * *
Jeke kúndelikterinde Kerroll belgisiz bir kúnáǵa únemi ókinedi. Alaıda bul paraqtardy jazýshynyń otbasy ımıdjine nuqsan keltirmeý úshin ádeıi joıyp jibergen. Keıbir zertteýshiler, Kerroll izdeýde júrgen Djek Rıpper (serııaly kisi óltirýshi) bolǵan dep esepteıdi.
* * *
Ol batpaqty bezgekten, sıstıtten, lıýmbagodan, ekzemadan, fýrýnkýlezdan, artrıtten, plevrıtten, revmatızmnen, uıqysyzdyqtan, t.b. aýrýlardan zardap shekken. Sondaı-aq onyń basy únemi qatty aýyratyn.
* * *
Kerroll úsh dóńgelekti velosıpedti, ataýlar men datalardy este saqtaýǵa arnalǵan mnemıkalyq júıeni jáne elektr qalamdy oılap tapqan.
Frans Kafka
«О́tirik aıtýǵa syltaý az bolǵanda emes, ótirik az aıtqan ýaqytta ótirik az aıtylady».
* * *
Ol keńse qyzmetkeri bolyp jumys istedi. Zamanaýı ıdeıalarǵa sáıkes, avtor ádettegi jumysyna berilgen hám joly bolmaǵan keńse planktonyna aınalǵan.
* * *
Frans Kafkanyń atasy – kosher qasapshy edi. Al ózi vegetarıan boldy.
* * *
О́ziniń bar ómirinde avtor kópshiliktiń nazaryna ilinbegen birneshe áńgimesin ǵana jarııalaı aldy. Ol óler aldynda shartty túrde ósıetin alǵan Maks Brodqa óziniń barlyq qoljazbalaryn joıýdy ósıet etti. Biraq Maks Brod bul ósıetti oryndamady. Frans Kafka osylaısha álemge áıgili jazýshyǵa aınaldy. О́lgennen keıin.
* * *
Qazirgi ýaqytta Kafka – Pragadaǵy basty talısmandardyń biri.
Anton Chehov
«Bir-birimizdi alǵashqy áser nemese eki-úsh belgi boıynsha baǵalaı almaımyz, sebebi bizdiń árqaısymyzda burandalar, dóńgelekter men klapandar óte kóp».
* * *
Ol poshta markalarynan kolleksııa jınaǵan.
* * *
Anton Chehov kompozıtor Chaıkovskıımen dos bolǵan, tipti oǵan «Túnergen adamdar» («Hmýrye lıýdı») áńgimeler jınaǵyn arnaǵan.
* * *
Ádebıetten artta qalǵany úshin 3-synypta ekinshi jylǵa qaldyryldy.
* * *
Chehov árqashan jazý ústeline saltanatty kostıým kıip otyratyn.
Artýr Konan Doıl
«О́te aıqyn faktilerden artyq eshteńe aldamshy emes».
* * *
Sherlok Holmsty oılap tapqan Artýr Konan Doıl okkýltıst bolyp, kishkentaı qanatty perilerdiń bar ekenine sendi.
* * *
Ol óziniń Sherlok Holms týraly áńgimelerinde sot saraptamasynyń polısııaǵa áli belgisiz bolǵan kóptegen ádisin sıpattady. Onyń ishinde temeki tuqylyn jáne temeki kúlin jınaý, jazba mashınkalaryn sáıkestendirý, oqıǵa ornyndaǵy izderdi ulǵaıtqysh áınekpen qaraý. Keıinnen polısııa Holmstyń osy jáne basqa ádisin keń qoldana bastady.
* * *
Artýr Konan Doıl bir kezderi Sherlok Holmsty «birde-bir jaǵymdy qasıeti joq nashaqor» dep ataǵan Bernard Shoýmen óte qıyn qarym-qatynasta boldy.
* * *
Artýrdyń qulpytasynda jesir áıeldiń ótinishi boıynsha rysarlyq uran oıyp jazylǵan: Steel True, Blade Straight («Bolattaı adal, pyshaqtyń júzi tárizdi»).
