Keshe Almaty qalasynyń ortalyǵyndaǵy jylý qubyry tesilgen bolatyn. Onyń janynda ketip bara jatqan adamdar ystyq sýǵa kúıip, aýrýhanaǵa túsken edi. Sonyń búgin ekeýiniń hali óte múshkil. Bul týraly «KTK» telearnasy habarlady.
Bul qubyr byltyr da tesilip, kommýnaldyq salany qyrýar shyǵynǵa batyrǵan eken. Jalpy, osy shaharda jyl basynan beri jylý júıesinen 1976 aqaý anyqtalǵan. «Almatynyń ózinde qoldaný merzimi ótip ketken jylý qubyrlarynyń uzyndyǵy -700 shaqyrym. Biz jylyna tek 20 shaqyrymyn jańalaı alamyz. Ábden tozǵan qubyrlardy bir mezette aýystyryp tastaýǵa qaýqarymyz joq. Sondyqtan apattar da jıilep ketti»-deıdi «Almaty jylý júıesi» JShS bas dırektory Dáýren Álimbekov.
Búgin, buqaralyq aqparat quraldaryna baspasóz máslıhatyn ótkizgen kommýnaldyq salanyń jaýapty tulǵalary jylýdan ajyratylyp qalǵan barlyq ǵımarattarǵa jylý berildi dep sendirdi. Sondaı-aq olar Almaty qalasyndaǵy jylý qubyrlarynyń 8 paıyzǵa jýyǵynyń qoldaný merzimi ótip ketkenin jáne 60 paıyzynyń múlde iske jaramsyz ekenin aıtty. Qazir jergilikti bılik keshegi tesilgen jylý qubyrynan zardap shekkenderge ótemaqy tóleý máselesin sheshýdi oılastyrýda.
Baqytbek Keneshuly.
Derekkóz: «KTK» telearnasy
Foto: « 1 arna».
