Ýkraına halyqaralyq qarjy qorymen nesıelendirýdi jańartý jóninde kelissózder júrgizýde. Bul týraly ITAR-TASS habarlady.
«Bizge halyqaralyq qarjy qorynyń nesıeleri qajet, óıtkeni olardyń sharttary tıimdi, – dedi jeksenbi kúni Ýkraına vıse-premeri Iýrıı Boıko «1+1» telearnasynan bergen suhbatynda. – Biz halyqaralyq qor tarapynan qoıylǵan keıbir sharttardy qabyldaı almasaq ta, olarmen ári qaraı jumys júrgizetin bolamyz».
Juma kúni Ýkraına premer-mınıstri Nıkolaı Azarov Reseıden nesıege 15 mlrd. dollar alynǵanyn eskere otyryp, Kıevtiń aldynda HQQ kómegine júginýge asa qajettilik týmaıtynyn alǵa tartty. «Reseı tarapynan nesıe berilmegende, biz HQQ-nyń sharttaryn qabyldaýǵa májbúr bolar edik, – dedi Nıkolaı Azarov. – Endi gaz qunynyń tómendeýine baılanysty, HQQ talap etkendeı halyqqa beriletin gaz baǵasyn kóterýge eshbir negiz joq».
Aıdar О́risbaev.
Derekkóz: Itar-tass.com
Foto:Itar-tass.com
