Sırııada shııtterdiń Ýmm-Amed aýlynda mınalanǵan avtokólikke mingen jankeshti lańkes mektep ǵımarattary keshenine soǵylǵan. Bul týraly ITAR-TASS habarlady.
SANA agenttiginiń aqpary boıynsha, jarylys saldarynan 20 adam qaza bolǵan, onyń kóbisi balalar.
Sırııanyń soltústigindegi Deraa provınsııasynda ornalasqan shirkeýge oq jaýdyryldy. Ol kezde segiz adam qaza bolǵan. Onyń úsheýi balalar. Taǵy tórt adam ákimshilik ǵımaratynda oryn alǵan jarylystan qaza tapty.
Sırııa áskeriniń Damask mańaıynda júrgizip jatqan urys qımyldary barysynda birqatar qarýly toptyń kózi joıyldy. Olar Dýma, Harasta, Djýbar men Daraııa eldi mekenderinde terrorısterge qarsy is-sharalaryn jalǵastyrýda.
SANA agenttigi sondaı-aq Aleppodaǵy iri medısına ortalyǵyna shabýyl jasalǵanyn habarlady. Ony qorǵaýǵa atsalysqan júzge jýyq sarbazdyń úsh myń sodyrǵa qarsy turýlaryna týra keldi. Ortalyqty shabýylmen ala almaǵan sodyrlar eki mınalanǵan avtokólikti iske qosqan. Kúshti jarylystardyń nátıjesinde aýrýhana qırap qaldy. Áskerıler arasynda qaza bolǵandardyń naqty sany ázirge belgisiz.
Aıdar О́risbaev.
Derekkóz: Itar-tass.com
Foto: Itar-tass.com
