Almaty qalasy men onyń mańyndaǵy jerler baqylaýǵa alynatyn boldy. Bul týraly «Habar» telearnasy habarlady.
Osy shaharda jer telimin tıimdi paıdalanýǵa arnalǵan jıyn ótkizilip, oǵan О́ńirlik damý mınıstri Bolat Jámishev pen Parlament Májilisiniń depýtattary, Almaty qalasy men oblys ákimdiginiń jetekshileri qatysty. Bul jıynnyń ótkizilýine myna másele túrtki bolǵan edi. Osy kezge deıin aýyl sharýashylyǵy maqsatyna jáne kommersııalyq nysandar salýǵa berilgen 1 myńǵa jýyq telimi paıdalanylmaı, 42-i memleketke qaıtarylǵan. Al qala mańyndaǵy aýyl sharýashylyǵyna bólingen 7 myń gektardaı jer telimi áli kúnge deıin bos jatyr. Sonymen birge, aýmaǵy 62 gektar bolatyn jeke turǵyn úı qurylysyna berilgen jer telimderi ıgerilmegen. Arnaı tekserýden keıin osynyń keıbir bóligi memleketke qaıtarylypty. Bir nazar aýdaratyny, Almaty qalasynyń ákimi Ahmetjan Esimov shahardyń bas josparyna sáıkes, qala mańynda bos jerlerdiń joq ekenin aıtyp otyr.
Jıynda Jer kodeksine ózgertýler men túzetýler engizý máselesi kóterildi. Ol boıynsha memleketke qaıtarylǵan jerdiń ıesi 3 jylǵa deıin ony satyp almasa, bankterde kepildikte turǵan aýyl sharýashylyǵy jerleriniń memleketke qaıtarylýy men saıajaılardy zańdastyrý jaıy usynyldy. Sondaı-aq, aýyl sharýashylyǵy maqsatyna jer alǵan qojaıyn 5 jyldyń kóleminde ony tıimdi paıdalanyp jatqanyn rastaýy kerek.
Baqytbek Keneshuly.
Derekkóz: «Habar» telearnasy.
Foto: Vox Populi
