Otyrysta aýdandyq sanıtartııalyq-epıdemıologııalyq baqylaý basqarmasy basshysynyń mindetin atqarýshy Ǵabıt Sarqulov qazir aýdanda 6 naýqastyń anyqtalǵanyn baıandady.
Aýdan basshysy aýdanda karantındik sharalardy qatań saqtaýdy, dári-dármek qorynyń jetkilikti bolýyn qadaǵalap, únemi baqylaýda ustap otyrýdy jáne qamtamasyz etýdi qatań tapsyrdy. Sondaı-aq, dárihanalarda bar dárilerdiń tizimin jasaqtaý qajettigin de aıtyp ótti.
Sonymen birge tıisti mamandarǵa aýdanda qurylǵan mobıldi toppen birge mekemelerdi, kásipkerlik nysandardy, saýda úılerin aralap túsindirme jumystaryn júrgizýdi tapsyrdy.
Aýdanaralyq aýrýhana bas dárigeri Baqytgúl Álisheva juqpaly aýrýdyń balalar arasynda keń taralý qaýpi bar ekenin aıtyp, barynsha saqtanyp júrý qajetigin eskertti.
Jıyn sońynda aýdan ákimi tıisti sala basshylaryna naqty tapsyrmalardy júktedi.
