Saltanatty is-sharada sóılegen sózinde otandyq dıplomat Qazaqstan Táýelsizdiginiń 30-jyldyǵynda jáne eki el arasyndaǵy dıplomatııalyq qatynastardyń 30 jyldyǵy qarsańynda Úndistanda Qazaqstannyń dostar sheńberiniń keńeııýiniń erekshe máni bar ekenin atap ótti.
E.Álimbaev Mır Nasır Alı Han myrzanyń pandemııa kezinde Qazaqstannyń elshiligine jáne azamattaryna úlken qoldaý kórsetkenin atap ótip, qurmetti konsýldyqtyń ashylýy Úndistanmen ekijaqty saýda-ekonomıkalyq jáne mádenı baılanystardy tereńdetýge eleýli úles qosatynyna senim bildirdi.
Sonymen qatar elshi 1884 jyly negizi qalanǵan, óńirdegi eń eski qoǵamdyq uıymdardyń biri – «Úndistan nızamdar klýby» janyndaǵy Haıdarabad qalasyndaǵy eń bedeldi kitaphanalardyń birinde Qazaqstannyń mádenıeti men tarıhy týraly aǵylshyn jáne hındı tilderindegi kitaptar men baspa basylymdary qoıylǵan «Qazaq ádebıeti zalyn» ashty.
Osyǵan oraı ótken baspasóz konferensııasy barysynda Elshi jergilikti aýdıtorııany elimizdiń Táýelsizdik jyldaryndaǵy basty jetistikterimen, Prezıdent Qasym-Jomart Toqaevtyń saıası reformalarynyń úshinshi paketiniń negizgi mazmunymen, sondaı-aq Elbasy Nursultan Nazarbaevtyń Qazaqstan men Úndistan arasyndaǵy qarym-qatynastardy qalyptastyrý men nyǵaıtýǵa qosqan úlken róli men úlesi týraly egjeı-tegjeıli tanystyrdy.
