Kavabýtı 1984 jyly dúnıege kelgen. Ol – burynǵy fýtbolshy, qazirgi kezde Japon fýtbol qaýymdastyǵynyń keńesshisi qyzmetin atqaryp keledi. Juma kúni «Tokıo-2020» uıymdastyrý komıteti atqarýshy keńesiniń otyrysy ótýi tıis.
Bul sheshimniń sonyń barysynda qabyldanýy ábden múmkin. Morı sport komıtetteri men federasııalarda áıelder sanyn kóbeıtý olardyń otyrystaryn uzartýǵa ákeledi dep aıtqan sózine baılanysty týyndaǵan janjaldan keıin kózge túsken.
Uıymdastyrý komıtetiniń basshysyn Oıyndardyń birqatar saıasatkerler men demeýshi kompanııalar (sonyń ishinde «Toıota») synǵa alǵan. Japonııanyń oppozısııalyq partııalary birlesip el úkimetinen Morıdiń otstavkaǵa ketýin tezdetip sheshýdi talap etpekke nıetti.
Budan basqa, Olımpıada alaýy estafetasynyń 500-ge jýyq qatysýshysy men eriktiler buǵan narazylyq retinde jumystan bas tartqan. Tokıodaǵy Olımpıada 2020 jyldyń 24 shildesi men 9 tamyz kúnderi aralyǵynda ótýi tıis, alaıda pandemııaǵa baılanysty 2021 jyldyń 23 shildesi men 8 tamyzy aralyǵyna aýystyrylǵan. Bul rette Oıyndardyń «Tokıo-2020» degen ataýy saqtalyp qaldy.
