Tarıh tabaldyryǵynda turǵan kók tulpar – jańa jylqy jyly qarsańynda Astana qalasynyń áleýmettik jaǵynan qorǵalmaǵan birneshe otbasylary qonys toıyn toılamaq.
Keshe Astana qalasynyń ákimi Imanǵalı Tasmaǵambetovtiń qatysýymen qurylys kompanııalary arasynda dástúrge aınalǵan memlekettik-áleýmettik seriktestik qaıyrymdylyq sharalary aıasynda múgedek balalar tárbıelep otyrǵan 11 otbasyna jańa páter kiltteri tabys etildi.
Tarıh tabaldyryǵynda turǵan kók tulpar – jańa jylqy jyly qarsańynda Astana qalasynyń áleýmettik jaǵynan qorǵalmaǵan birneshe otbasylary qonys toıyn toılamaq.
Keshe Astana qalasynyń ákimi Imanǵalı Tasmaǵambetovtiń qatysýymen qurylys kompanııalary arasynda dástúrge aınalǵan memlekettik-áleýmettik seriktestik qaıyrymdylyq sharalary aıasynda múgedek balalar tárbıelep otyrǵan 11 otbasyna jańa páter kiltteri tabys etildi.
Júıke júıeleri dimkástanǵan, sal aýrýyna shaldyqqan, onkologııalyq keselmen aýyratyn balalardy kútip-baǵyp, jumystan qol úzip, ata-analary úıde otyryp qalǵan bul otbasylarynyń ahýaly tómen. Páter jaǵdaılaryn jaqsartýǵa eshbir múmkindikteri joq. Mine, osyndaı jaǵdaıdy eskere kelip, qala ákimdiginde qurylys kompanııalarynyń kómegimen osyndaı otbasylaryna tegin páter berý dástúri jalǵasyp keledi.
Bıylǵy jyly qaladaǵy «Astanapromstroı-M», «Allur Auto Astana» «SK Qulager», «AstanaTreıdınterneıshnl», «AstanaServısStroıMontaj-01», «Altyn HHI», «Azııa», «Astanastroıınvest», «Sentr KazEnergoMontaj», «AlıansstroıInvest» qurylys kompanııalary elordanyń 11 otbasyna jańa páterler satyp alyp berdi. Bul otbasylardyń árqaısysy kólemi tıisinshe 35-67 sharshy metrdi quraıtyn bir jáne eki bólmeli páterlerge ıe boldy.
Turmys taýqymetin tartyp, baspana qıyndyǵyn kórip kele jatqan otbasylardyń búgingi qýanyshtarynda shek bolmady. Bul otbasylar taǵdyr talaıymen aıyqpas dertke shaldyqqan balalarynyń jaǵdaıymen áleýmettik qıyndyqtardy kórip keledi. Jańa jyl qarsańynda qýanyshqa kenelip, páter kiltin alǵan otbasylardyń qatarynda múgedek eki bala tárbıelep otyrǵan Jorabekovter januıasy bar. Búgin páter kiltin alǵan A.Júsipovanyń uly sal aýrýyna shaldyqqan bolsa, Iý.Ojogınanyń balasy aıyqpas qaterli isik aýrýyna shaldyqqan. Sonymen birge, Aýǵan soǵysynyń ardageri, II toptaǵy múgedek Raýza Erejepovaǵa da osy qaıyrymdylyq sharasy aıasynda jańa páter kilti tabys etildi.
Astana qalasynda osyndaı qaıyrymdylyq sharasyn ótkizý sońǵy jyldary ıgi dástúrge aınalyp kele jatyr. Alǵash ret 2011 jyly áleýmettik jaǵynan qorǵalmaǵan osyndaı otbasylaryna Qala kúni merekesi qarsańynda páter tapsyrylǵan bolatyn. Sodan bergi ótken ýaqytta osyndaı 60 otbasy qonys toıyn toılaý qurmetine ıe boldy. Bul ıgilikti shara aldaǵy ýaqytta da jalǵasyn tabatyn bolady.
Jylqybaı JAǴYPARULY,
«Egemen Qazaqstan».
