Astana qalasynda Shanhaı yntymaqtastyq uıymyna (budan ári – ShYU) múshe memleketterdiń esirtkiniń zańsyz aınalymyna qarsy kúres boıynsha ókilettikter berilgen quzyretti organdary basshylary keńesiniń esirtkige qarsy suranysty tómendetý jónindegi sarapshylary jumys tobynyń otyrysy bolyp ótti.
Astana qalasynda Shanhaı yntymaqtastyq uıymyna (budan ári – ShYU) múshe memleketterdiń esirtkiniń zańsyz aınalymyna qarsy kúres boıynsha ókilettikter berilgen quzyretti organdary basshylary keńesiniń esirtkige qarsy suranysty tómendetý jónindegi sarapshylary jumys tobynyń otyrysy bolyp ótti.
Otyrys barysynda san-salaly máseleler qaraldy. Taraptardyń ShYU-ǵa múshe memleketterdiń 2011-2016 jyldarǵa arnalǵan esirtkige qarsy strategııasyn 2014 jyly odan ári iske asyrý jónindegi usynystary talqylandy. Sondaı-aq, esirtki qylmystaryn jasaǵan esirtki tutynýshylardyń balamaly jaýapkershiligi ınstıtýtynyń jumys isteýi, ony iske asyrý problemalary, resmı statıstıkalyq derekterdiń shynaıylyǵyn qamtamasyz etý maqsatynda densaýlyq saqtaý jáne quqyq qorǵaý organdarynda esirtkige táýeldilerdi esepke alýdyń obektıvti júıesin qalyptastyrý, úkimettik emes uıymdarmen jáne qoǵamdyq birlestiktermen ózara tájirıbe almasý júzege asyryldy.
– Qabyldanyp jatqan sharalardyń nátıjeliligin sıpattaıtyn mańyzdy faktor retinde Qazaqstannyń esirtkige táýeldi azamattarynyń sanyn turaqtandyrý ǵana emes, ony qysqartý máselesin de qaraý qajet. Sońǵy bes jylda olardyń sany 26%-ǵa (54669-dan 40224-ke deıin) tómendedi. Esirtki tutynýshylardyń jas shamalarynyń «qartaıýyn» bastapqy profılaktıka boıynsha júrgizilip jatqan jumysta qol jetken mańyzdy jetistik dep ataýǵa bolady. Kámeletke tolmaǵandar sany 64%-ǵa (723-ten 263-ke) tómendedi. Bul durys basymdyqtardy jáne jastarymyzdyń boıynda qundylyqtardy qalyptastyrý, salamatty ómir saltyn nasıhattaý boıynsha júrgizip otyrǵan jumysymyzdyń tıimdiligin kórsetedi, – dep atap ótti otyrysqa tóraǵalyq etken elimiz IIM Esirtki bıznesine qarsy kúres komıteti tóraǵasynyń orynbasary, polısııa polkovnıgi Baqytjan Beıseev.
Otyrysta qol jetkizilgen ýaǵdalastyqtar, qabyldanǵan sheshimder ShYU-ǵa múshe memleketterde esirtkige qarsy suranysty tómendetýdiń tıimdi keshendik júıesin qalyptastyrý maqsatynda quzyretti organdardyń esirtkiniń zańsyz aınalymyna qarsy jumysyn úılestirýdiń neǵurlym joǵary deńgeıine qol jetkizýge jáne nashaqorlyqtyń aldyn alýdy jetildirýge múmkindik beredi.
«Egemen-aqparat».
