Birjolǵy zeınetaqy tólemderi esebinen tólenetin medısınalyq qyzmetter tizbesine kelesiler engizildi:
- dárilik qamtamasyz etýdi qosa alǵanda, orfandyq syrqattardy emdeý. Sondaı-aq emdeý taktıkasyn anyqtaý úshin dıagnostıkalyq zertteý;
- Qazaqstan Repsýblıkasynyń aýmaǵynda ornalasqan medısına mekemeleri kórsetetin stomatologııalyq qyzmetter (tisti protezdeý, ımplantasııa);
- operasııadan keıingi tyrtyqtar men týa bitken aqaýlardy, sondaı-aq mastektomııadan keıin túzetý maqsatynda rekonstrýktıvti jáne qalpyna keltirý operasııalary (plastıkalyq)
- radıonýklıdtik jáne radıoıodterapııa
- radıohırýrgııalyq emdeý
- proton terapııasy
- oftalmologııalyq qyzmetter.
Medısınalyq qyzmetterdiń osy tizbesi halyqtyń qajettiligin eskere otyryp qaıta qaralýy múmkin. Emdelýge beriletin birjolǵy zeınetaqy tólemderin paıdalaný úshin ótinish berýshi BJZQ-dan birjolǵy zeınetaqy tóleminiń qoljetimdi somasy týraly aqparatty, onyń ishinde BJZQ-nyń ınternet-resýrsy arqyly óz betinshe alýy qajet. Sodan keıin joǵaryda kórsetilgen tizbege sáıkes jeke basyn kýálandyratyn qujattyń kóshirmesin jáne beıindi mamannyń qorytyndysyn qosa bere otyryp, birjolǵy zeınetaqy tólemderi esebinen emdelýge jiberý týraly qorytyndyny alý úshin tirkelgen jeri boıynsha emhananyń dárigerlik-konsýltasııalyq komıssııasyna júginedi.
Dárigerlik-konsýltatıvtik komıssııa sheshimdi azamat ótinish bergen kúnnen bastap bes jumys kúninen keshiktirmeı qabyldaıdy. Qorytyndyny alǵannan keıin ótinish berýshi sheteldik uıymdy (stomatologııalyq qyzmetterdi qospaǵanda) qosa alǵanda, medısınalyq uıymdy tańdaýy tıis, onymen sharttyń skanerlengen nusqasyn ári qaraı tirkeı otyryp jáne ýákiletti operatordyń ınternet-resýrsyndaǵy (Otbasy bank) óziniń jeke kabınetinde dárigerlik komıssııa jasasýmen medısınalyq qyzmetter kórsetý týraly shart jasasady.
Ýákiletti operator (Otbasy bank) alýshy usynǵan qujattar birjolǵy zeınetaqy tólemderiniń nysanaly maqsatyna sáıkes kelgen kezde alýshydan qujattardy alǵan kúnnen bastap bes jumys kúni ishinde birjolǵy zeınetaqy tólemderin olardyń nysanaly maqsaty boıynsha aýdarady.
