2013 jylǵy 29 qarasha, Astana, Úkimet Úıi
Jetim balalardyń, ata-anasynyń qamqorlyǵynsyz qalǵan balalardyń turǵyn úıin saqtaý qaǵıdalaryn bekitý týraly
«Qazaqstan Respýblıkasyndaǵy balanyń quqyqtary týraly» 2002 jylǵy 8 tamyzdaǵy Qazaqstan Respýblıkasy Zańynyń 14-1-babynyń 2-tarmaǵyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Jetim balalardyń, ata-anasynyń qamqorlyǵynsyz qalǵan balalardyń turǵyn úıin saqtaý qaǵıdalary bekitilsin.
2. Osy qaýly alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
Qazaqstan Respýblıkasy Úkimetiniń
2013 jylǵy 29 qarashadaǵy №1271 qaýlysymen bekitilgen
Jetim balalardyń, ata-anasynyń qamqorlyǵynsyz qalǵan balalardyń turǵyn úıin saqtaý qaǵıdalary
1. Jalpy erejeler
1. Osy Jetim balalardyń, ata-anasynyń qamqorlyǵynsyz qalǵan balalardyń turǵyn úıin saqtaý qaǵıdalary (budan ári - Qaǵıdalar) «Qazaqstan Respýblıkasyndaǵy balanyń quqyqtary týraly» 2002 jylǵy 8 tamyzdaǵy Qazaqstan Respýblıkasy Zańynyń 14-1-babynyń 2-tarmaǵyna sáıkes ázirlendi jáne jetim balalardyń, ata-anasynyń qamqorlyǵynsyz qalǵan balalardyń (budan ári - balalar) turǵyn úıin saqtaý tártibin aıqyndaıdy.
2. Balalardyń turǵyn úıiniń saqtalýyn baqylaýdy jergilikti atqarýshy organdar (budan ári - organdar) qamtamasyz etedi.
3. Balalardy qorǵanshylyqqa nemese qamqorshylyq, patronattyq tárbıeleýge bergenge, bilim berý uıymdaryna, medısınalyq jáne basqa da uıymdarǵa ornalastyrǵanǵa deıin olardyń turǵyn úıin saqtaýdy organdar qamtamasyz etedi.
4. Balalardy qorǵanshylyqqa nemese qamqorshylyqqa, patronattyq tárbıeleýge berý, bilim berý uıymdaryna, medısınalyq jáne basqa da uıymdarǵa ornalastyrý kezinde olardyń turǵyn úıin saqtaýdy balalardyń zańdy ókilderi qamtamasyz etedi.
5. Memlekettik turǵyn úı qorynan berilgen turǵyn úı nemese jeke turǵyn úı qorynan organ jaldaǵan turǵyn úı balalarda olar bilim berý uıymdarynda, medısınalyq jáne basqa da uıymdarda, onyń ishinde qoǵamnan ýaqytsha oqshaýlaýdy qamtamasyz etetin uıymdarda bolǵan kezeńde, qorǵanshylyqta nemese qamqorshylyqta, patronattyq tárbıede bolǵanda kámeletke tolǵanǵa deıin saqtalady.
6. On tórt jasqa tolmaǵan balalardyń turǵyn úıin ıelikten shyǵarýǵa, onyń ishinde aıyrbastaý nemese syıǵa tartý boıynsha mámileler jasaýǵa nemese olardyń atynan kepilgerlik shartyn, turǵyn úıdi óteýsiz paıdalanýǵa tapsyrý nemese kepilge qoıý boıynsha mámileler, zań júzinde, ósıet boıynsha olarǵa tıesili muragerlik quqyqtardan bas tartýyna, olardyń turǵyn úıin bólýge nemese odan úles bólip alýǵa ákep soqtyratyn mámileler jasasýǵa jol berilmeıdi.
2. Jetim balalardyń, ata-anasynyń qamqorlyǵynsyz qalǵan balalardyń turǵyn úıin esepke alý tártibi
7. Organdar balalardyń turǵyn úıiniń bar-joǵyn anyqtaıdy jáne olardy jyljymaıtyn múlikke quqyqtardy memlekettik tirkeý salasyndaǵy Qazaqstan Respýblıkasynyń zańnamasyna sáıkes esepke alady.
8. Balalarda túrǵyn úıiniń bar ekeni anyqtalǵan jaǵdaıda, organdar:
1) tekseriletin turǵyn úıde tirkelgen adamdar, sondaı-aq naqty turatyn adamdardy kórsete otyryp, turǵyn úıdiń tehnıkalyq, sanıtarııalyq jaı-kúıi týraly aktini;
2) árqaısysynyń erekshe belgilerin kórsete otyryp, turǵyn úıdegi múliktiń tizimdemesin jasaıdy.
9. Tizimdeme men akt 2 danada jasalady:
1) bir danasy tıisti turǵyn úı ornalasqan aýmaqtaǵy organda;
2) ekinshi danasy balanyń zańdy ókilderinde bolady.
3. Jetim balalardyń, ata-anasynyń qamqorlyǵynsyz qalǵan balalardyń turǵyn úıine qorǵanshylyqty belgileý tártibi
10. Organdar balalardy qorǵanshylyqqa nemese qamqorshylyqqa, patronattyq tárbıeleýge berý, bilim berý uıymdaryna, medısınalyq jáne basqa da uıymdarǵa ornalastyrý qajettiligi týraly belgili bolǵan sátten bastap bir aı ishinde balalardyń turǵyn úıine qorǵanshylyq belgileıdi.
11. Turǵyn úıge qorǵanshylyq osy Qaǵıdalardyń 2-bóliminde belgilengen rásimder oryndalǵannan keıin organnyń turǵyn úıge qorǵanshylyq belgileý týraly sheshim shyǵarýy jolymen belgilenedi.
12. Organdar balalardy qorǵanshylyqqa nemese qamqorshylyqqa, patronattyq tárbıeleýge berý, bilim berý uıymdaryna, medısınalyq jáne basqa da uıymdarǵa ornalastyrý qajettiligi týraly belgili bolǵan sátten bastap dereý aýmaqtyq ádilet organdaryna osy Qaǵıdalardyń 6-tarmaǵynda belgilengen jaǵdaılarda mámileler jasaýǵa tyıym salý týraly qorǵaý hattaryn joldaıdy.
4. Jetim balalardyń, ata-anasynyń qamqorlyǵynsyz qalǵan
balalardyń turǵyn úıin jalǵa (jaldaýǵa) berý tártibi
13. Balanyń zańdy ókilderi qorǵanshylyq nemese qamqorshylyq jónindegi fýnksııalardy júzege asyratyn organnyń kelisimimen balalardyń turǵyn úıin Qazaqstan Respýblıkasynyń Úkimeti bekitetin úlgi shart negizinde jalǵa (jaldaýǵa) bere alady.
14. Turǵyn úıdi jalǵa (jaldaýǵa) berýge kelisim alý úshin balanyń zańdy ókilderi qorǵanshylyq nemese qamqorshylyq fýnksııalaryn júzege asyratyn organǵa mynadaı qujattardy beredi:
1) erkin nysanda resimdeletin balalardyń turǵyn úıin jalǵa (jaldaýǵa) berý úshin ruqsat alýǵa ótinish;
2) 10 jasqa tolǵan, turǵyn úıge menshik qúqyǵy nemese turǵyn úıdi paıdalaný quqyǵy bar kámeletke tolmaǵan balanyń kelisim-anyqtamasy;
3) zańdy ókildiń jáne balalardyń jeke basyn kýálandyratyn; balalardy qorǵanshylyqqa nemese qamqorshylyqqa, patronattyq tárbıeleýge berý nemese bilim berý uıymdaryna, medısınalyq jáne basqa da uıymdarǵa ornalastyrý týraly qujattardyń kóshirmesi;
4) turǵyn úıge kuqyq belgileıtin qujattardyń kóshirmeleri.
15. Balalardyń turǵyn úıin jalǵa (jaldaýǵa) berýge organdardyń kelisim berýi qujattar kelip túskenin sátten bastap bes jumys kúni ishinde júzege asyrylady.
16. Zańdy ókilder turǵyn úıdi jalǵa alý (jaldaý) sharty boıynsha alynǵan aqshany balalardyń banktik shotyna aýdarǵa tıis.
17. Balalardyń turǵyn úıin jalǵa (qosymsha jalǵa) berý shartyn jasaý nemese onyń qoldanysyn toqtatý (buzý) kezinde turǵyn úı balalardyń zańdy ókilderiniń, qorǵanshylyq nemese qamqorshylyq jónindegi fýnksııalardy júzege asyratyn organ ókiliniń, jalǵa alýshynyń (qosymsha jaldaýshynyń) qatysýymen qabyldaý-berý aktisi boıynsha beriledi.
5. Balanyń zańdy ókilderiniń jetim balalardyń, ata-anasynyń qamqorlyǵynsyz qalǵan balalardyń turǵyn úıin saqtaý jónindegi mindetterin oryndaýyn baqylaýdy júzege asyrý tártibi
18. Balanyń zańdy ókilderi turǵyn úı esepte túrǵan organǵa alty aıda keminde bir ret osy turǵyn úıdiń jaı-kúıi, turǵyn úıge qatysty júzege asyrylatyn is-áreketter týraly málimetterdi qamtıtyn qamqorlyǵyndaǵy balanyń turǵyn úıin basqarý jónindegi erkin nysandaǵy esepti beredi.
19. Balalardyń zańdy ókilderiniń balalardyń turǵyn úıin saqtaý boıynsha mindetterin oryndaýyn baqylaýdy Qazaqstan Respýblıkasynyń memlekettik baqylaý jáne qadaǵalaý týraly zańnamasyna sáıkes organdar júzege asyrady.
20. Balanyń zańdy ókilderi turǵyn úıdi saqtaý boıynsha mindetterin tıisinshe oryndamaǵan jaǵdaıda, qamqorshylyq nemese qorǵanshylyq jónindegi fýnksııalardy júzege asyratyn organ zańdy ókilderdi olardyń mindetterinen shettetedi jáne Qazaqstan Respýblıkasynyń erli-zaıyptylyq týraly zańnamasyna sáıkes tıisti sharalar qabyldaıdy.
