BoxRec málimeti boıynsha, jerlesimizdiń qarsylasy 33 jastaǵy amerıkalyq Skott Sıgmon (34-14-1, 17 KO) bolmaq. 10 raýndqa josparlanǵan jekpe-jek AQSh-tyń Florıda shatatyndaǵy Plant-Sıtı qalasynda ótedi. Otandasymyz eń sońǵy ret ótken jyldyń jeltoqsanynda Gennadıı Golovkın – Kamıl Sheremeta arasyndaǵy boks keshiniń anderkardynda judyryqtasyp, ekvadorlyq Karlos Gongoradan (18-0, 13 KO) 12-raýndta nokaýtpen jeńilgen bolatyn. Bul kezdesýde ekinshi orta salmaqtaǵy IBO belbeýi sarapqa salynǵan edi.
Al amerıkalyq boksshy Sıgmon óziniń sońǵy jekpe-jegin 2019 jylǵy 20 qyrkúıekte ótkizip, 35 jastaǵy otandasy Laıonell Tompsonnan jeńilgen. Anyqtap aıtar bolsaq, Skott jetinshi raýndtan keıin judyryqtasýdan bas tartqan.
