Ustazdyq- uly qyzmet. Shymkent qalasynda 33 jyldan beri mektep oqýshylaryna orys tilin úıretip, súıispenshiligine bólene bilgen ustazdardyń biri – Gúlzıra Anartaeva. Tárbıe bar jerde, bilim de bar degen ustanymmen júretin ustazdyń shákirtteri halyqaralyq olımpıadada jeńiske jetip, ǵylymı konferesııalarǵa belsendi qatysyp kelgen.
Gúlzıra Ulasbekqyzy qazirgi tańda О́.A.Joldasbekov atyndaǵy №9 IT- lıseıinde eńbegin jalǵastyryp otyr. О́z salasyn jetik meńgergen ustaz – 2019 jyly «Qazaqstannyń 100 jańa esim» ensıklopedııa jobasyna enip, elimizdegi eń úzdik pedagogtar qatarynan tabyldy.
Uzaq jyldar boıy ǵylymı – saraptama jumystarymen aınalysyp kelgen pedagog ár sabaǵyn joǵary deńgeıde uıymdastyryp, oqýshylardyń pánge degen qyzyǵýshylyǵyn arttyryp otyrady.
G.Anartaeva pedagogıkalyq biliktilikti arttyrýdyń deńgeıli baǵdarlamasy boıynsha sertıfıkattalǵan, pedagog-sheber. Ol jas mamandardyń biliktiligin arttyrý jolynda da óz tájirıbelerimen bólisip keledi.
Osy kúnge deıin ustazdyń eseli eńbekteri elenip, QR Bilim jáne Ǵylym mınıstrliginiń «Qurmet gramotasy» jáne ótken jyly «Úzdik pedagog-2020» tós belgisimen marapattalǵan. Sonymen qatar, bilim salasynda túrli olımpıadalarda jeńimpaz bolyp, halyqaralyq ǵylymı konferensııalarǵa belsendi qatysqany úshin alǵys hattar men joǵary dárejeli dıplom tabystalǵan.
Shymkent qalasy ákimdiginiń baspasóz qyzmeti
