Jaǵa ustatar jaǵdaı ótken jyldyń jaz aıynda oryn alǵan. Erli-zaıypty zeınetkerlerge qaraqshylyq shabýyl jasaý deregi boıynsha tirkelgen is qylmystyq ister jónindegi mamandandyrylǵan aýdanaralyq sotta qaraldy.
«2020 jyly shilde aıynda O. esimdi sottalýshy kólik satyp alý maqsatynda erli-zaıypty K. jáne A. atty zeınetkerdiń páterine zańsyz kirip, olarǵa shabýyl jasap, pyshaqpen qorqytyp, aqsha talap etken. Egde jastaǵy qarııalar qarsylyq kórsetkende, sottalýshy olarǵa birneshe ret pyshaq salǵan. Qarııalar oqıǵa ornynda kóz jumdy. Keıinnen sottalýshy 500 dollar jáne 360 myń teńge men uıaly telefondy urlap ketken», dep habarlady qalalyq sottyń baspasóz qyzmeti.
Sotta prokýror aıyptalýshyny 20 jylǵa bas bostandyǵynan aıyrýdy usyndy. Al jábirlenýshi tarap ókilderi bolsa, ómir boıyna bas bostandyǵynan aıyrý jazasyn surady. Qylmysker kinásin ishinara moıyndaǵan.
«Sot úkimimen O. eki adamdy óltirgeni jáne qaraqshylyq jasaǵany úshin kináli dep tanylyp, ómir boıyna bas bostandyǵynan aıyrý túrindegi eń qatań jazaǵa kesildi. Qatań jaza taǵaıyndaý barysynda sottalýshynyń buryn da qaraqshylyq úshin sottalǵany jáne ol áreketinen sabaq almaǵany eskerilgen», dep habarlady qalalyq sottyń baspasóz qyzmeti.
ALMATY
