Jambyldyq jomart túlekter

«Jomart túlek-2021» kezdesýin ob­lys ákimi Berdibek Saparbaev ashyp, sharanyń mańyzyna toqtaldy. «Basty maqsat – túrli salada jemisti eńbek etip júrgen elimizge belgili túlekterdiń tabysty ómir jolyn jas urpaqqa úlgi etý, tanymal jam­byldyqtardy týǵan ólkesiniń áleý­mettik máselelerin sheshýge atsa­lysýǵa tarta otyryp, áleýmettik bastamalardy júzege asyrý jolyndaǵy ómirlik tájirıbelerimen bólisý jáne áleýmettik mańyzdy jobalardy júzege asyrý. «Jomart túlek-2021» jobasy aıasynda jambyl-tylek.kz. saıty iske qosylyp, qazir oǵan 80 myńǵa jýyq túlek tirkelgen. Sońǵy bes jyl ishinde bizdiń túlekter týǵan mektebine, aýylyna jalpy kólemi 2 mlrd teńge kóleminde demeýshilik kómek kórsetti. «Týǵan jer» jobasy aıasynda 5,5 mlrd teńge kóleminde 30-dan as­tam áleýmettik jobany iske asyrý usy­ny­lýda», dedi ákim. Jıynda qazirgi kez­de san salada el damýyna súbeli úles qosyp júrgen tanymal túlekter jetis­tikke jetý tájirıbesimen jáne týǵan aýyldary týraly estelikterimen bólis­ti. Olardyń birqatary arnaıy kelip qa­tyssa, keıbir azamattar beınebaılanys arqyly qosyldy.

Áýeli Tuńǵysh Prezıdent – Elba­sy keńsesiniń basshysy Mahmud Qa­sym­bekov jıynǵa beınebaılanys ar­qyly qosylyp, Elbasy Nursultan Nazarbaevtyń quttyqtaýyn jetkizdi. Sondaı-aq Nursultan Ábishulynyń oblys ákimi B.Saparbaevtyń óńirde qazaqstandyqtardyń patrıottyq rýhyn nyǵaıtýǵa yqpal etetin osyndaı ıgi sharany ótkizý bastamasyn joǵary baǵalaǵanyn atap ótti. «Týǵan jerine, halqyna degen súıis­pen­shilikten týǵan osyndaı ıgi is-sha­ralar patrıottyq sezim­di kúsheıtip, jas urpaqty tárbıe­leýge úlken úles qosady. Jambyl oblysynda bastalǵan forým respýblıkanyń basqa da oblystarynda óz jalǵasyn tabady dep senemin», delingen Elbasynyń qut­tyq­taýynda. Sonymen qatar M.Qa­sym­bekov óńirde búginde atqarylyp jat­qan jumystarǵa toqtalyp, ózi bilim alǵan Shý aýdanyndaǵy S.Seıfýllın atyndaǵy mektepke qoldaý kórsetip kele jatqanyn aıtty. Al jıynǵa arnaıy qatysqan áıgili akter, Qazaqstannyń Eńbek Eri Asanáli Áshimov is-sharanyń mańyzdylyǵyna toqtaldy. «О́z týǵan jerin múmkindiginshe dáriptep júr­gen barsha jambyldyq túlekterdi bi­riktirý ıdeıasy maǵan unady. Bul asa ma­ńyzdy. Ásirese olar jas urpaqqa durys úlgi-ónege bola alady dep oı­laı­myn. Tanymal jam­byldyqtar jas jerlesterine kóz­degen kez kelgen bıikterine qol jetki­zýge degen se­­­nimdilik uıalatady. Eń bas­­tysy, tal­­­maı adal eńbek etý, týǵan j­erin esten shyǵarmaı, múmkindiginshe onyń ór­kendeýine óz úlesin qosý kerek. О́ıt­keni sol týǵan mekenimiz bizdi ósir­di, tár­bıeledi, armanymyzǵa qanat bitir­di. Men ózim osyndaı túlek­ter­diń qatarynda bolǵanymdy maqtan tu­ta­myn», dedi A.Áshimov. О́z sózinde mem­leket jáne qoǵam qaıratkeri О́mir­bek Baıgeldi osyndaı forým uıym­dastyrǵany úshin oblys basshylyǵyna rıza­shylyǵyn bildirip, bul aldaǵy ýaqytta da dástúrli túrde óz jalǵasyn tabatynyna senim bildirdi. Sondaı-aq óńirdi ózi basqarǵan jyldardan este­likter aıtyp, jastardy elge, jerge adal eńbek etýge shaqyrdy.

«Áýlıeata topyraǵy memleketimizdiń qalyptasýy men damýyna orasan úles qosqan jáne qosyp kele jatqan kóp­tegen talantty jáne áıgili el azamattaryn tárbıelep shyǵardy. Olardyń týǵan jerimen baılanysyn úzbeýi óte mańyzdy. Birlesken kúsh-jigermen biz Jambyl oblysynyń damýy jolynda kóptegen ıgi isterdi atqara alatynymyzǵa senimdimin», dedi Halyq Qaharmany, general-leıtenant Baqytjan Ertaev. Al ánshi-kompozıtor, Memlekettik syı­lyqtyń laýreaty Altynbek Qoraz­baev, Abaı atyndaǵy Qazaq ulttyq peda­gogıkalyq ýnıversıtetiniń rektory Takır Balyqbaev, Qazaqstannyń Eńbek Eri Aıagúl Mırazova mundaı forýmnyń ásirese jastar úshin mańyzdy ekenin aıtyp, árbir túlek óz týǵan jerine laıyqty kóńil bólý kerektigin jetkizdi. Sonymen qatar forýmǵa «Abaı atyndaǵy Qazaq ulttyq pedagogıkalyq ýnıversıteti» KeAQ dırektorlar keńesiniń tóraǵasy Gúlmıra Isımbaeva da beınebaılanys arqyly qatysyp, óziniń júrekjardy lebizin bildirdi. Áýlıeata óńirinen shy­ǵyp, búginde búkil qazaqqa tanymal bolǵan A.Áshimov, О́.Baıgeldi sııaqty azamattardyń ómir joly ásirese jastar úshin úlgi ekenin aıtty. Forým barysynda aqyn, Qazaqstannyń eńbek sińirgen qaıratkeri Maraltaı Raıymbekuly da óziniń ıgi tilegin bildirip, «Kóne Taraz» atty óleńin oqydy.

«Jomart túlek-2021» forýmy Jam­byl óńirinen shyǵyp, búginde shetelderde ómir súrip jatqan azamattardy da qamtydy. M.V.Lomonosov atyndaǵy Más­keý memlekettik ýnıversıtetiniń ma­gıstranty Bogdan Zagrıbelnyı, Sın­gapýr elinde turatyn kásipker Talǵat Turymbaev syndy túlektermen qatar, AQSh, Túrkııa jáne basqa da elderden qatysýshylar baılanysqa shyqty. Máselen, koronavırýs indeti órship turǵan kezde Kusto Group halyqaralyq kompanııasynyń negizin qalaýshylardyń biri, Jýaly aýdanynyń túlegi Talǵat Turymbaev jerlesterine kómektesip, óz atynan 100 mln teńgege aýdandyq aýrýhanaǵa reanımobıldi kólik, dári-dármekter men medısınalyq jabdyqtar satyp alyp bergen. Kásipker óz sózinde týǵan jerin árdaıym qoldaıtynyn aıtty. Kezdesýge qatysýshy túlekterdiń bári de turaqty negizde týǵan jerine, ózi bilim alǵan mektepke kómek kórsetip ke­ledi. Jıynda B.Saparbaev árbir tú­lekke týǵan jerine degen qoldaýy úshin al­ǵys bildirdi. Urpaqtar sabaqtastyǵy ári qaraı da saqtalýy tıis ekenin basa aıt­ty.

«Memleket basshysy Qasym-Jomart Toqaev aıtqandaı, Otanǵa degen súıispenshilik – bos urandar men dekla­rasııalar emes, ol halyq ıgiligi úshin kúndelikti aıanbaı eńbek etý, shyn júrekpen jasalatyn qaıyrymdy ister. Ár adam óz Otanyn súıýi tıis. Bar­lyǵyńyzǵa óńirimizdi damytýǵa óz úles­terińizdi qosyp júrgenderińiz úshin rızamyz. Osylaı jalǵasa beredi dep úmittenemin. Biz de aýqymdy ári qyzyq­ty jobalardy júzege asyrýdy josparlap otyrmyz. Investorlarǵa ınfra­qurylym júrgizýge kómektesemiz. Sizder­diń de árqaısylaryńyz olardy júzege asyrýǵa qolushyn soza alasyzdar», dedi B.Saparbaev.

Elimiz táýelsizdik alǵan jyldardan beri Jambyl oblysyndaǵy mektepterdi 400 myńnan astam túlek bitirgen. Olar­dyń kópshiligi týǵan jerinen qol úzbeı, qoldaý kórsetip keledi. Kezdesý so­ńyn­da tanymal túlekterge «Jomart tú­lek-2021» syılyǵy tabystaldy.

Jambyl oblysy