Keshe Úkimet úıinde Premer-Mınıstr Serik Ahmetov Trentınoda (Italııa) ótken HHVI Búkilálemdik qysqy Ýnıversıada júldegerlerin qabyldady. Kezdesýge osy ýnıversıadada altynnan alqa taqqan Tatıana Osıpova, Mark Starostın, Aleksandr Malyshev, Sergeı Malyshev, kúmis júldegerler Damır Ramazanov, Nursultan Belgibaev, qola júldeger Olga Mandrık, sondaı-aq, jattyqtyrýshylar quramy qatysty.
Keshe Úkimet úıinde Premer-Mınıstr Serik Ahmetov Trentınoda (Italııa) ótken HHVI Búkilálemdik qysqy Ýnıversıada júldegerlerin qabyldady. Kezdesýge osy ýnıversıadada altynnan alqa taqqan Tatıana Osıpova, Mark Starostın, Aleksandr Malyshev, Sergeı Malyshev, kúmis júldegerler Damır Ramazanov, Nursultan Belgibaev, qola júldeger Olga Mandrık, sondaı-aq, jattyqtyrýshylar quramy qatysty.
Premer-Mınıstr sportshylardy quttyqtap, olarǵa Alǵys hatyn tapsyrdy. «Memleket basshysy sporttyń buqaralyq túrlerin damytýǵa erekshe mán berýde», dep atap kórsetti Serik Ahmetov.
«Úkimet te bul máselege úlken mán beredi. О́ıtkeni, sport degenimiz, bul – memleket damýynyń negizderiniń biri. Tek sportpen aınalysatyn ulttar urpaqtarynyń ǵana bolashaqtary jarqyn bolmaq», dep jalǵady ol sózin.
Búkilálemdik qysqy Ýnıversıada-2017 Almatyda ótetindigi belgili. Sondaı-aq, Qazaqstan 2022 jyly ótetin qysqy Olımpııalyq oıyndardy ótkizýge de ótinim berip otyr. «Bul – biz júzege asyrýǵa tıisti mańyzdy mindetterdiń biri», dedi Úkimet basshysy osy máselege baılanysty.
Serik Ahmetov sportshylarǵa alǵys aıtyp, olarǵa tabystar men sporttyq jeńister tileıtindigin bildirdi.
Suńǵat ÁLIPBAI,
«Egemen Qazaqstan».
