Sebebi, bul is sál múlt ketýdi keshirmeýi múmkin. Shymkent qalasy Tótenshe jaǵdaılar departamentiniń №1 mamandandyrylǵan jasaǵynda qyzmet atqaratyn Roman Pısmenskıı órt sóndirýde batyldyǵymen kózge túsip, ári otpen kúresý amaldaryn jetik meńgergen jas maman.
Keıipkerimiz - adamdardyń ómiri men tilsiz jaýdan arasha etýdi bala kezinen armandaǵan. Armany alǵa jetelep, Kókshetaý tehnıkalyq ınstıtýtyna oqýǵa túsedi.
Romannyń memlekettik tildi meńgerýge degen yntasy joǵary boldy. Memlekettik tildi damytýǵa baǵyttalǵan barlyq is-sharaǵa belsendiligi men óz mamandyǵyna degen zor yqalasynyń arqasynda atalǵan oqý ornyn úzdik támamdap, Elbasy qolynan alǵashqy shenin aldy.
Halyqtyń ıgiligi úshin qyzmet etýdi maqsat tutqan Roman alǵashqy qyzmet jolyn 2014 jyly Túrkistan oblysy Sozaq aýdanyndaǵy №11 órt sóndirý bóliminen bastaǵan. Qyzmetke alǵash qadam basqannan-aq ol óziniń ójettiligin tanytyp, jaqsy jaǵynan kórindi.
2015 jyly Shymkent qalasyndaǵy Tótenshe jaǵdaılar departamentiniń bas maman, 2017-2019 jyldary №1 mamandandyrylǵan jasaq bastyǵynyń kómekshisi, qazirgi tańda №3 órt sóndirý bólim bastyǵynyń orynbasary bolyp qyzmet atqardy.
Jas maman búginde «EKShN kamerasy» arqyly ózge áriptesteriniń órtti sóndirý barysynda oqıǵa ornynan adam ómirin qutqarý jolyndaǵy janqııarlyǵyn kórsetetin beınematerıal túsirýdi elimizde alǵash bolyp qolǵa aldy. Mundaı ıgi bastama órt sóndirýshiler men qutqarýshylardyń ımıdjin arttyrýǵa úlken úles qosatyny anyq.
Sonymen qatar, Roman qıynda, qaýipti mamandyǵyna qaramastan oblys jáne qala kóleminde ótkizilgen «Memlekettik til meniń tilim», «Polıglot», «Til sheberi» saıystaryna qatysyp, júldeli oryndarǵa ıe boldy. Al 2020 jyly respýblıkalyq «Memlekettik til-Táýelsizdik sımvoly» baıqaýyna qatysyp, birinshi oryndy ıelendi.
