2021 jylǵy 16 naýryzda Qazaqstan tarapynyń bastamasy boıynsha Eýrazııalyq ekonomıkalyq komıssııa alqasy Qazaqstan Respýblıkasynan qyzanaq pen burysh jemisterin ákelýge reseılik tyıym salýdyń zańdylyǵy máselesin qarady. Alqa músheleri men taraptar ókilderiniń pikirsaıysynyń qorytyndysy boıynsha EEK Alqasy ótken jyldyń sońynda Rosselhoznadzor (Reseı Federasııasynyń veterınarlyq jáne fıtosanıtarlyq qadaǵalaý jónindegi federaldyq qyzmeti) belgilegen tyıym zańsyz bolyp tabylady jáne kedergi dep tanylady dep sheshti.
Reseı Federasııasy EEK Alqasynyń qabyldaǵan sheshimine sáıkes belgilengen tyıymdardy bir aı ishinde joıý qajet.
Esterińizge sala keteıik, 2020 jyldyń 16 jeltoqsanynan bastap Rosselhoznadzor Pavlodar oblysynan qyzanaq pen burysh ákelýge, al 2021 jyldyń 18 qańtarynan bastap Aqtóbe jáne Almaty oblystarynan qyzanaq jemisteriniń qońyr ájim vırýsynyń (Tomato brown rugose fruit virus) qazaqstandyq ónimde bolýyna silteme jasaı otyryp, tyıym saldy.
«EAEO-nyń quqyqtyq bazasyna sáıkes fıtosanıtarııalyq baqylaý jáne tıisti sharalar jalpy kelisilgen Tizbede bar vırýstarǵa qatysty ǵana qoldanylady. Alaıda, Rosselhoznadzor qoldanystaǵy kelisimderdi buza otyryp, baqylaý sharalaryn júrgizip, qazaqstandyq ónimderdi ákelýge tyıym saldy.
Jeke zertteýler, sonyń ishinde Nıderlandyda júrgizildi, olar qazaqstandyq qyzanaqtar men buryshtarda qandaı da bir vırýstardyń joqtyǵyn dáleldedi.
Bizdiń bastamamyz boıynsha bul másele osy jyldyń qańtar-aqpan aılarynda EAEO organdarynyń alańynda birneshe ret qaraldy. Barlyq seriktester, reseılikterdi qospaǵanda, bizdi qoldady. Aýyl sharýashylyǵy mınıstrligimen birlesken jumys nátıjeleri boıynsha iri jetkizýshilerden shekteýlerdi alyp tastaýǵa múmkindik týdy.
Sonymen qatar, jalpy qazaqstandyq ónimderdi ákelýge tyıym salý jumysyn jalǵastyrdy.
Tyıym salý belgilengen sátten bastap Qazaqstandyq kásiporyndar 200 mln. teńgeden astam somany joǵaltqanyn atap ótkim keledi. EEK alqasy bizdiń dálelderimizdi estidi jáne Reseı bıliginiń áreketterin tosqaýyl dep tanydy», dep atap ótti Saýda jáne ıntegrasııa vıse-mınıstri.
