Konkýrs «Jalpyǵa ortaq Eńbek qoǵamy» uranymen Eńbek adamynyń qoǵamdaǵy bedelin arttyrýǵa jáne ónimdi eńbekti yntalandyrýǵa yqpal etedi.
Kez-kelgen kásiporynnyń (salasyna qaramastan) barlyq qyzmetkeri konkýrsqa qatysa alady. Konkýrs 3 nomınasııadan turady:
1) «Úzdik eńbek áýleti» – eńbek ótili eń uzaq, marapattary eń kóp áýlet tańdalady;
2) «О́ndiristiń úzdik jas mamany» – jumys ótili 5 jyldan aspaıtyn, eń belsendi jáne eńbekqor óndiris qyzmetkeri tańdalady;
3) «Jumys isteıtin jastardyń úzdik tálimgeri» – jumys ótili keminde 20 jyl, joǵary tıimdi jumys isteıtin tálimger tańdalady.
Konkýrs oblystyq jáne respýblıkalyq kezeńnen turady.
Konkýrsqa qatysý úshin mynadaı qujattar usynylady:
1) nomınasııa kórsetilgen, erkin nysandaǵy konkýrsqa qatysý týraly ótinim;
2) jeke kýáliktiń kóshirmesi;
3) nomınasııa taqyryby boıynsha 1-2 mınýttan aspaıtyn beınerolık (qalaýy boıynsha jumys orny jáne daǵdylary kórsetilgen);
4) konkýrsant týraly (jumysy, otbasy, qyzyǵatyn isi, hobbıi jáne t.b., 1 mınýttan aspaıtyn kompıýterlik prezentasııa (Microsoft Power Point formatynda);
5) eńbek áýletiniń ár ókiliniń nemese qyzmetkerdiń jumys ótilin rastaıtyn, jumys berýshi kýálandyrǵan eńbek kitapshasynyń jáne ózge de qujattardyń kóshirmeleri/jumys ornynan anyqtama;
6) jumys berýshi nemese kásipodaq bergen usynymdyq hat.
Bar bolsa (mynadaı qujattardyń kóshirmeleri):
* memlekettik nemese vedomstvolyq nagradalardyń, madaqtaý qaǵazdarynyń, alǵys hattardyń kóshirmeleri;
* biliktilikti arttyrý týraly kýálikter (bar bolsa).
Konkýrsqa qujattar memlekettik nemese orys tilinde usynylady.
О́tinimderdi qabyldaý 2021 jyldyń 16 naýryzynan bastap 1 shildesine deıin jalǵasady.
Konkýrs jóninde tolyq aqparatty 70-32-79, 8-705-414-80-27 («Nur-Sultan qalasynyń qalalyq orta sapasy jáne baqylaý basqarmasy» MM) telefony arqyly alýǵa bolady.
Meken-jaı: Nur-Sultan qalasy, Dostyq kóshesi 13 úı, 2-qabat, 217 keńse, eńbek qatynastaryn baqylaý bólimi, el.poshta: l.babieva@astana.kz.
