Infografıkany jasaǵan Amangeldi Qııas, «EQ»
Jeńil ónerkásiptegi negizgi úles toqyma óndirisine tıesili – 70,8 mlrd teńge. Odan keıingi orynda kıim óndirisi tur – 46,3 mlrd teńge. Bylǵary óndirisiniń kólemi – 11,6 mlrd teńge.
Ortalyqtyń málimetinshe, byltyr saladaǵy ónimniń naqty kólem ındeksi 115 paıyzdy quraǵan. Jeńil ónerkásiptiń barlyq baǵytynda ósim tirkelgen. Máselen, toqyma buıymdary óndirisiniń naqty kólem ındeksi 104,5 paıyzǵa teń. Bul baǵyttaǵy ósim maqtadan jasalǵan matalar (+59 paıyz), hımııalyq nemese shtapeldi talshyqtardan jasalǵan matalar (+61 paıyz), ózge de toqyma buıymdar (+30 paıyz) óndirisi esebinen qalyptasqan.
Kıim óndirisiniń naqty kólem ındeksi 105,5 paıyzǵa teń. Negizinen ósimge áıelderdiń jumys kıiminiń 2,4 ese ósýi oń áser etken. Budan bólek, ósimge ózge de jumys kıimderi (+72 paıyz), tennıska, maıka men shorty, fýfaıka jáne trıkotaj buıymdary (+43 paıyz) da óz úlesin qosty.
Bylǵary óndirisiniń naqty kólem ındeksi – 231,1 paıyz. О́simge sporttyq, tumsyǵynda metall qorǵanyshy bar, ártúrli arnaıy aıaq kıimder shyǵarý oń áser bergen. Sondaı-aq jaqsy kórsetkish bylǵarydan jasalǵan aıaq kıim óndirisiniń 9 ese ósýine baılanysty. Buǵan úlbir, ılengen terilerdiń ósimin (+15 paıyz) qosyńyz.
Byltyr jeńil ónerkásip ónimderiniń eksporty 2019 jylmen salystyrǵanda 23 paıyzǵa qysqaryp, 131,9 mln dollardy qurady. Bizdiń ónimder negizinen Reseı, Qytaı jáne Latvııa elderine eksporttalady.
2020 jylǵy qańtar-qarashada jeńil ónerkásip ónimderiniń ımporty 1 mlrd 562 mln dollarǵa teń bolǵan. Bul 2019 jyldyń kórsetkishinen 2 paıyzǵa tómen. Eksporttyq jáne ımporttyq jetkizilimniń qysqarýy COVID-19 pandemııasyna qatysty engizilgen karantındik sharalarǵa baılanysty. Biz negizinen Qytaı, Reseı jáne Túrkııa ónimderin tutynyp otyrmyz.
О́tken jyldyń 11 aıynda eldegi jeńil ónerkásip naryǵynyń kólemi 1,7 mlrd dollardy qurady. Onyń 8,4 paıyzy – otandyq taýar óndirisi. Al ımporttyq ónimniń úlesi – 91,6 paıyz.
Jeńil ónerkásip elimizdiń tórt óńirinde – Shymkent jáne Almaty qalalarynda, Túrkistan jáne Almaty oblystarynda jaqsy damyǵan. Shymkent respýblıka óndirisiniń 23 paıyzyn qamtamasyz etip otyr. Túrkistan oblysynyń úlesi – 14,4 paıyz, Almaty oblysy – 13,2 paıyz, Almaty qalasy –10 paıyz.
