Mektep oqýshylarynyń jappaı ýlanýyna baılanysty mamandar tekserý jumystaryn júrgizip jatyr. Sońǵy málimetterge súıensek, zardap shekken balalardyń sany artqan. ShQO Sanıtarlyq-epıdemıologııalyq baqylaý departamentiniń bastyǵy Qanat Turdıevtyń aıtýynsha, 29 naýryzdaǵy jaǵdaı boıynsha 14 jasqa deıin 93 bala, 28 jasóspirim jáne alty eresek adam ýlanǵan. Bul 127 adamnyń 110-y Bozanbaı orta mektebiniń oqýshylary.
«Naýqastardyń dene qyzýy kóterilgen. Júrekteri aınyp, qusqan. О́skemendegi Ana men bala ortalyǵynyń juqpaly aýrýlar bólimine 62 bala jatqyzyldy. Qalǵandardy úılerinde dáriger baqylaýynda», dedi Qanat Turdıev.
Sondaı-aq, epıdemıologııalyq tekserý barysynda ýlanǵandarmen baılanysta bolǵan 383 adam anyqtaldy. Olar da medısınalyq baqylaýǵa alyndy. Qazirgi ýaqytta departament mamandary men Ulttyq saraptama ortalyǵy tekserý jumystaryn jalǵastyryp jatyr. Qylmystyq is boıynsha tamaq ónimderiniń synamasy alyndy. Mektep karantınge jabyldy.
Esterińizge sala ketsek, osyǵan deıin de Bozanbaıdaǵy mektepte oqýshylar tamaqtan ýlanǵan.
