Karantın álsirese, koronavırýs kúsheıedi

«Qazaqstan Respýblıkasynda 30 naý­ryz­da­ǵy jaǵdaı boıynsha 243 318 naýqastan Covid-19 anyqtaldy jáne 50 433 adamǵa KVI- (mınýs) dıagnozy qoıyldy. 218 031 adam KVI+ jáne 47 837 azamat KVI- (mınýstan) jazylyp shyqty. Sońǵy 2 ap­tada Almaty, Nur-Sultan, Shymkent qa­lalarynda, Aqtóbe, Almaty oblystarynda naýqas sany artyp, jalpy KVI juq­tyr­ǵan­dar 1,5 ese ósti», dedi mınıstr.

Onyń aıtýynsha, jalpy indet juq­ty­rýdyń 56 paıyzy Almaty qalasy tur­ǵyn­da­ryna tıesili. Qalada aqpanda táýligine 100 jaǵdaı, naýryzda táýligine 500 jaǵdaı tirkeldi. Nur-Sultan qalasynda aqpanda táýligine 100 jaǵdaı, naýryzda táýligine 350 jaǵdaıǵa jetti.

«Naqtyraq aıtsaq, 4 óńir qaýipti aımaqta (qyzyl aımaqta) tur. Bular – Almaty, Nur-Sultan qalalary, Batys Qazaqstan jáne Atyraý oblystary. 3 óńir (Aqtóbe, Al­ma­ty jáne Qaraǵandy oblystary) – sary aı­maqta. Qalǵan 10 óńir – jasyl aımaqta. Epı­de­mııalyq jaǵdaı nasharlaǵan «sary» jáne «qyzyl aımaqqa» aýysqan óńirlerde qosymsha shekteý sharalary engizildi», dedi ol.

Sonymen qatar ol Ulttyq qoǵamdyq densaýlyq saqtaý ortalyǵy fılıalynyń referens-zerthanasy júrgizgen zertteýlerdiń qory­tyndysy boıynsha Qazaqstan Res­pýb­lıkasynda «brıtandyq», «ońtústik afrı­ka­lyq», «brazılııalyq» shtamǵa tán yqtımal mýtasııa anyqtalǵanyn alǵa tartty.

«Zertteý qorytyndysy boıynsha Shy­ǵys Qazaqstan, Qostanaı, Pavlodar jáne Sol­tústik Qazaqstan oblysynan ózge óńir­­ler­de «brıtandyq», «ońtústik afrı­ka­lyq», «brazılııalyq» shtamǵa tán yqtımal mý­tasııa anyqtaldy. Almaty qalasynda naý­qastardan alynǵan DNK-nyń sekvenırleý nátıjesi boıynsha «brıtandyq» jáne «ońtústik afrıkalyq» shtamynyń aınalymy belgilengen», dedi A.Soı.

Onyń sózinshe, Dúnıejúzilik densaýlyq saqtaý uıymynyń 2021 jylǵy 30 naýryzdaǵy derekteri boıynsha «brıtandyq shtamm» – 125 elde, «ońtústik afrıkalyq» – 75 elde, al «brazılııalyq» – 41 elde anyqtaldy. Koronavırýstyń jańa shtamdary men alǵashqy shtamnyń belgileri birdeı – dene temperatýrasy kóteriledi, jótel jáne adam dám men ıis sezbeı qalady. DDU málimetteri boıynsha vırýstyń yqtımal mýtasııasy adamdardyń indetti juqtyrý jıiligine qaraı artady.

«Jańa vırýs kóp taraǵan elderdiń tá­ji­rı­­besine qarasaq, áleýmettik araqa­shyq­tyq saqtaý nátıjesinde jáne densaýlyq saqtaý uıymdarynda ınfek­sııa­nyń aldyn alý jáne baqylaý sharalaryn qoldaný arqyly COVID-19 aýrýy tómendegen», dedi mınıstr.

Sondaı-aq vedomstvo basshysy KVI-ge qarsy vaksınany elde qansha adam sal­dyr­ǵa­nyn aıtty.

«Koronavırýs ınfeksııasyna qarsy vaksınalaý jalǵasýda. Búginde birinshi komponent 131 170 adamǵa egildi. 22 aqpannan bastap ekinshi komponentti egý bastaldy, 32 482 adam egildi, jaǵymsyz reaksııa tirkelgen joq», dedi mınıstr.

Qazir óńirlerge KVI-ge qarsy vaksınalaý 150 myń dozasy jetkizilip jatyr.

«Budan basqa, sáýirde túrli óndirý­shi­lerden qosymsha 2,5 mln doza vaksına jetkizý josparlanyp otyr. Vaksınanyń bul kólemi KVI-ge qarsy vaksınalaýǵa jatatyn kontıngentti jáne vaksına saldyrǵysy keletin adamdarǵa ekpeniń qoljetimdiligin barynsha keńeıtýge múmkindik beredi. Vak­sı­nalaý vırýstyń taralýyn azaıtýdyń jal­ǵyz joly ekenin eske salamyz. Osyǵan baı­lanysty qarsy kórsetkishter bolmasa, qazaqstandyqtardy ekpe saldyrýǵa shaqy­ra­myn», dedi A.Soı.

Densaýlyq saqtaý mınıstrliginiń keshegi kúngi taratqan málimeti boıynsha 24 180 adam koronavırýs ınfeksııasynan emdelýde, olardyń ishinde 8 130 pasıent stasıonarda, 16 050 naýqas ambýlatorııalyq deńgeıde em qabyldaýda. Indetke shaldyqqandardyń arasynda 364 adamnyń jaǵdaıy aýyr, 76 pasıenttiń jaǵdaıy óte aýyr, 46 naýqas О́JJ apparatynda jatyr.

Sóz sońynda A.Soı karantın shekteýlerin jıi buzatyn óńirlerdi de tilge tıek etti.

«Halyq arasynda vırýstyń qaýiptiligine senbeıtin adamdar bar, olar úılený toılaryn, banketterdi jeke úıler men kottedjderde ótkizýdi jalǵastyryp keledi. Monıtorıng toptarynyń engizilgen shekteý sharalary men eskertýlerine qaramastan, sanıtarlyq-epıdemııalyq talaptardy saqtamaı jumys istep turǵan nysandardy anyqtaý jalǵasýda», dedi mınıstr.

Onyń aıtýynsha, naýryzda shekteý is-sharalaryn, karantın talaptarynyń saq­tal­ýyn baqylaý maqsatynda 16 030 reıd júr­gizildi.

«Osy oraıda 102 966 nysan tekserildi, onyń ishinde 2864 nysan ákimshilik sharalarǵa qaramastan, belgilengen shekteý talaptaryn, jumys rejimin buzýdy jalǵastyryp keledi, ıaǵnı buqaralyq is-sharalar ótkizip jatyr. 3021 ákimshilik is qozǵaldy», dedi A.Soı.

Onyń sózine qaraǵanda, mundaı nysandar Shyǵys Qazaqstan oblysynda, Almaty jáne Shymkent qalalarynda jıi tirkeledi.

«Búgingi tańda elimizde karantındik sha­ra­­lardy qasaqana buzǵan 512 adam anyq­tal­dy. О́ńirler boıynsha Shymkent, Nur-Sultan, Almaty qalalary, Jambyl, Qostanaı, Pav­lodar oblystary kósh bastap tur. 512 qu­qyq buzýshynyń arasynda 486-sy shaǵyn bıznes ókili, tórteýi orta kásipkerlik nysany jáne 22 jeke tulǵa bar», dep naqtylady ol.