Búgingi tańda Ulybrıtanııada 18 mıllıonnan astam adam osy ekpeni saldyryp úlgergen. Bul habar Eýropanyń birneshe eli men Kanada tromboz qaýpinen qorqyp, vaksınany belgili jas toptary úshin toqtatý týraly sheshimmen qatar kelip otyr. Dárilik zattar men medısınalyq buıymdardy retteý jónindegi brıtandyq agenttik (MHRA) bul adamdardyń ólimi vaksınamen baılanysty ma, joq pa, álde bul jaı ǵana kezdeısoqtyq pa ekendigi belgisiz ekenin aıtqan. Sondaı-aq agenttiktiń atqarýshy dırektory Djýn Reın vaksınanyń COVID-19 indeti men onyń asqynýlarynyń aldyn alýdaǵy paıdasy kez kelgen qaýipten asyp túsetinin málimdedi. Ol shaqyrtý alǵan azamattar eshnársege qaramastan, kelip ekpe alýy kerek degen pikir bildirgen.
AstraZeneca vaksınasyn alǵandardyń arasynda qannyń uıýy paıda bolǵany týraly habarlamalardan keıin keıbir elderdiń retteýshi organdary ekpege nemese adamdar jasyna túrli shekteýler engize bastady. Máselen, Nıderlandy áıelder arasynda tromboz paıda bolǵan jańa bes jaǵdaıdan keıin 60 jasqa deıingi adamdardy bul preparatpen vaksınalaýdy toqtatqan. Olardyń bireýi qaıtys boldy. Germanııa da dál osyndaı sheshimdi aptanyń basynda qabyldap úlgergen. Kanada da 55 jasqa deıingi adamdarǵa vaksınany qoldanýdy shektep otyr.
Ulybrıtanııada 31 mıllıonnan astam adam AstraZeneca men BioNTech-Pfizer vaksınasynyń alǵashqy dozasyn alǵan. Nátıjesinde, eldegi vırýs juqtyrǵandardyń sany kúrt tómendep, indetten qaıtys bolǵandardyń úlesi azaıǵan.
